კოალიცია „ძლიერი საქართველოს“ ერთ-ერთი ლიდერის, ანა დოლიძის თქმით, საპარლამენტო არჩევნებთან დაკავშირებით საერთაშორისო გამოძიების ჩასატარებლად მტკიცებულებების შეგროვება მიმდინარეობს. როგორც დოლიძემ განაცხადა, ამისთვის „ძლიერ საქართველოში“ შტაბია გახსნილი.
ახალი ამბები
მკითხველის რჩეული
- 1 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 2 კობახიძე შუქრუთელების პროტესტზე - ასეთი აქციები ხშირად ემთხვევა წინასაარჩევნო პერიოდს
- 3 ზურაბიშვილი: ივანიშვილმა ომი გამოუცხადა ჩვენს მეგობრებს, რომ მოსკოვის გვერდით დამდგარიყო
- 4 რუსეთი მზადაა საქართველოს „აფხაზეთისა და სამხრეთ ოსეთის ქვეყნებთან“ შერიგებაში დაეხმაროს
- 5 ამ მთავრობამ ან პირი იცვალა, ან თავიდანვე შენიღბულად პრორუსული იყო - ზურაბიშვილი
- 6 სად გაიხსნება დამატებითი საარჩევნო უბნები საზღვარგარეთ
„ეს არ იყო ჩვეულებრივი გაყალბება, რუტინული. ეს არის საერთაშორისო დანაშაული რუსეთის მიერ ჩადენილი საქართველოს ტერიტორიაზე. ეს არის გამოძიებას დაქვემდებარებული საკითხი. აქ მოხდა საერთაშორისო დანაშაული რუსეთის მხრიდან საქართველოში. ჩვენ მივმართავთ ევროპარლამეტს და ევროკავშირს, რომელსაც აქვს ამის პრეცედენტები, რომ აქ გამოუშვას საგამოძიებო მისია, რომელიც შექმნის საერთაშორისო პრეცედენტს ამის გამოძიებასთან დაკავშირებით“, - უთხრა დოლიძემ ჟურნალისტებს.
მისი თქმით, „ძლიერი საქართველო“ პარლამენტში შესვლის საკითხს არ განიხილავს.
ევროკავშირის რამდენიმე ქვეყნის საგარეო საქმეთა მინისტრი, ასევე აშშ-სა და ევროპის საკითხებში გაერთიანებული სამეფოს სახელმწიფო მინისტრი საქართველოს ხელისუფლებას მოუწოდებენ, არჩევნებზე გამოვლენილი დარღვევები გამოიძიოს.
„მოვუწოდებთ ცენტრალურ საარჩევნო კომისიას და სხვა შესაბამის ორგანოებს, შეასრულონ თავიანთი მოვალეობა, სწრაფად, გამჭვირვალედ და დამოუკიდებლად გამოიძიონ და განიხილონ საარჩევნო დარღვევები და ბრალდებები.
ეს დარღვევები უნდა დაზუსტდეს და აღმოიფხვრას. ეს აუცილებელი ნაბიჯია საარჩევნო პროცესისადმი ნდობის აღსადგენად“, - ნათქვამია ვროკავშირის უმაღლესი წარმომადგენლის, ჯოზეფ ბორელისა და ევროკომისიის ერთობლივ განცხადებაში.
დარღვევების შესახებ ყველა ცნობის სრული გამოძიების მოთხოვნას უერთდება ამერიკის შეერთებული შტატები.
ცესკოს მონაცემებით, არჩევნებში „ქართულმა ოცნებამ“ ხმების 53.92% მიიღო. შედეგების ლეგიტიმურობას არ აღიარებენ ბარიერგადალახული ოპოზიციური პარტიები და ქვეყნის პრეზიდენტი. სალომე ზურაბიშვილის შეფასებით, არჩევნები ტოტალურად გაყალბდა და „რუსული სპეცოპერაცია“ ჩატარდა.
