ევროპის საბჭოს საპარლამენტო ასამბლეის (PACE) მიმდინარე მონიტორინგის პროცედურის ფარგლებში, 14-16 იანვარს, თბილისს საქართველოს საკითხებში თანამომხსენებლები კლოდ კერნი და ედიტ ესტრელა ეწვევიან.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
გავრცელებული პრესრელიზის მიხედვით, ვიზიტის მიზანია, შეაფასოს საქართველოს, როგორც ევროპის საბჭოს წევრი სახელმწიფოს მიერ ნაკისრი ვალდებულებების შესრულება, განსაკუთრებით ოქტომბრის საპარლამენტო არჩევნების შემდეგ მიმდინარე პოლიტიკური კრიზისისა და ევროკავშირში გაწევრიანების მოლაპარაკებების შეჩერების ფონზე.
„ვიზიტის ფარგლებში, თანამომხსენებლები შეხვდებიან ყველა ძირითადი პოლიტიკური პარტიის ხელმძღვანელობას, მთავრობის შესაბამის თანამდებობის პირებს და ინსტიტუტებს, ასევე სამოქალაქო საზოგადოებას და საერთაშორისო თანამეგობრობას.
ეს არის რიგითი მონიტორინგის ვიზიტი და არ უნდა განიხილებოდეს, როგორც პოლიტიკური მხარდაჭერა ლეგიტიმაციის ან იმ თანამოსაუბრეების შეხედულებებისადმი, რომლებსაც ისინი ხვდებიან.
თანამომხსენებლები აპირებენ მოინახულონ რამდენიმე დაკავებული მომიტინგე, რომელთა ბრალდებამ და დაკავებამ შეშფოთება გამოიწვია. ამ კონტექსტში, 2024 წლის 23 დეკემბერს, თანამომხსენებლებთან კონსულტაციის შემდეგ, ასამბლეის პრეზიდენტმა ვენეციის კომისიას სთხოვა გადაუდებელი მოსაზრება ადმინისტრაციულ სამართალდარღვევათა კოდექსზე, განსაკუთრებით შეკრების თავისუფლებასთან დაკავშირებით“, - აღნიშნულია პრესრელიზში.
კლოდ კერნისა და ედიტ ესტრელას ვიზიტი დეკემბრის დასაწყისში დაანონსდა. მაშინ ისინი განცხადებით გამოეხმაურნენ პროევროპული აქციების მონაწილეთა დაკავებასა და პოლიციის მიერ გადამეტებული ძალის გამოყენებას. „როგორც ჩანს, არსებობს დაუსჯელობის განცდა მომიტინგეების და ჟურნალისტების მიმართ პოლიციის ძალადობისა და ძალის გადამეტებული გამოყენებისთვის, რაც მიუღებელია. ასეთი აღმაშფოთებელი საქციელისთვის დაუსჯელობა უნდა დასრულდეს“, - აცხადებდნენ მომხსენებლები. ისინი შესაბამის ორგანოებს ძალადობის ყველა შემთხვევის „სრულად, ეფექტურად და გამჭვირვალედ“ გამოძიებისკენ მოუწოდებდნენ.
