რუსეთის ფედერაციის ეკონომიკური განვითარების მინისტრი მაქსიმ რეშეტნიკოვი ერთდღიანი „სამუშაო ვიზიტით“ ოკუპირებულ აფხაზეთში იმყოფება. როგორც დე ფაქტო პრეზიდენტის ადმინისტრაციის პრეს-სამსახური იტყობინება, იგი ამოწმებს იმ ობიექტებს, რომელთა მშენებლობა ან რეკონსტრუქცია რუსეთის ფინანსური დახმარებით ხორციელდება.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
მაქსიმ რეშეტნიკოვი და აფხაზეთის ე.წ. ვიცე-პრემიერი, ეკონომიკის მინისტრი ქრისტინა ოზგანი ბიჭვინთაში იმყოფებოდნენ, სადაც უახლოეს წლებში სასტუმრო-კომპლექს „მოსკვა რეზორტის“ მშენებლობა იგეგმება. პროექტის ღირებულება 31 მილიარდი რუბლია და რუსი ინვესტორების გათვლებით, იგი ყოველწლიურად 200 ათასზე მეტ ტურისტს მიიღებს.
რუსმა მინისტრმა გაგრის, გუდაუთის და გულრიფშის ენერგეტიკულ ობიექტებიც დაათვალიერა. კერძოდ, ქვესადგურები „ალახაძი - 110 კვ“ გაგრის რაიონის სოფელ ალახაძში, „ბზიფი - 220 კვ“ გუდაუთის რაიონში და „დრანდა - 110 კვ“ გულრიფშის რაიონში.
რეშეტნიკოვი რიწის ტბაზეც იმყოფებოდა. ტბისა და მთის ხედების ვიდეო Telegram-ის არხზე რუსეთის ეკონომიკური განვითარების სამინისტრომ გამოაქვეყნა.
ე.წ. სამუშაო ვიზიტის ფარგლებში დაგეგმილია რეშეტნიკოვის შეხვედრები აფხაზეთის დე ფაქტო პრეზიდენტ ასლან ბჟანიასთან და პრემიერ-მინისტრ ალექსანდრ ანქვაბთან.
მაქსიმ რეშეტნიკოვი ოკუპირებულ აფხაზეთში 2022 წლის აგვისტოშიც იმყოფებოდა. 2023 წლის ივლისში, სანქტ-პეტერბურგში მან ხელი მოაწერა „ვლადისლავ არძინბას სახელობის სოხუმის საერთაშორისო აეროპორტის“ აღდგენის შესახებ ე.წ. შეთანხმებას. რეშეტნიკოვის თქმით, აეროპორტის რეკონსტრუქცია ისტორიული მოვლენაა და რუსეთისთვის მნიშვნელოვან ამოცანას გადაჭრის - „აფხაზეთში რუსეთის მოქალაქეების მთავარი შესასვლელების - სოჭის აეროპორტის და საავტომობილო გამშვები პუნქტი „ადლერის“ უკიდურეს გადატვირთულობას მოხსნის“.
