რუსეთის პრეზიდენტმა, ვლადიმერ პუტინმა და ირანის პრეზიდენტმა, მასუდ ფეზეშქიანმა კრემლში გამართული მოლაპარაკებების შედეგად ყოვლისმომცველი სტრატეგიული პარტნიორობის შესახებ შეთანხმება გააფორმეს.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 დასკვნითი სხდომის პარალელურად, ბათუმში მზია ამაღლობელის მხარდამჭერი აქცია იმართება
- 4 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 5 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 6 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
რუსული სახელმწიფო მედიის ინფორმაციით, დოკუმენტი მოიცავს ყველა სფეროს, მათ შორის თავდაცვას, ტერორიზმთან ბრძოლას, ენერგეტიკას, ფინანსებს, ტრანსპორტს, მრეწველობას, სოფლის მეურნეობას, კულტურას, მეცნიერებას და ტექნოლოგიებს.
შეთანხმება 47 პუნქტისგან შედგება. ერთ-ერთ მუხლში ნათქვამია, რომ თუ რომელიმე მხარე დაექვემდებარება აგრესიას, მეორემ „აგრესორს არ უნდა გაუწიოს სამხედრო ან სხვა სახის დახმარება“.
შეთანხმების ტექსტის მიხედვით, ირანსა და რუსეთს შორის სამხედრო თანამშრომლობა, მოიცავს „საკითხთა ფართო სპექტრს“, მათ შორის სამხედრო და ექსპერტული დელეგაციების გაცვლას, პორტში სამხედრო გემებისა მიღებას, სამხედრო პერსონალის მომზადებას.
„ჩვენს უზენაეს ლიდერს და ყველა ჩვენგანს სჯერა, რომ ყველა რეგიონული პრობლემა მხოლოდ რეგიონულ მხარეებს შორის შეთანხმებით უნდა გადაწყდეს. მიგვაჩნია, რომ ჩვენს რეგიონში გარე ძალების არსებობას მხოლოდ სიტუაციის გამწვავება და დესტაბილიზაცია შეუძლია. ბუნებრივია, ჩვენი ურთიერთობა ნათელს მოჰფენს ჩვენს რეგიონში არსებულ ყველა პრობლემას“, - განაცხადა ირანის პრეზიდენტმა.
2024 წელს რუსეთმა სტრატეგიული პარტნიორობის შესახებ შეთანმხება ჩრდილოეთ კორეასთან გააფორმა.
