შოვში, სტიქიის ზონაში დაღუპულთა რიცხვი გაიზარდა. როგორც რეგიონული განვითარებისა და ინფრასტრუქტურის მინისტრმა, ირაკლი ქარსელაძემ განაცხადა, დღეს კიდევ ერთი ადამიანის ცხედარი იპოვეს. ამ დროისთვის დადასტურებულია, რომ სტიქიას 12 ადამიანი ემსხვერპლა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
დანარჩენი 11 ადამიანის ცხედარი 3 და 4 აგვისტოს იქნა ნაპოვნი. ისინი ქუთაისის პროზექტურაში არიან გადასვენებული და იდენტიფიკაციის პროცესი მიმდინარეობს. მთავრობის ადმინისტრაციის რეგიონებთან ურთიერთობის დეპარტამენტის ხელმძღვანელმა, ლერი ბარნაბიშვილმა განაცხადა, რომ ამოცნობილია 6 ცხედარი.
„მიმდინარეობს დამატებითი სამუშაოები დანარჩენის ამოსაცნობად. სამწუხაროდ, ისეთ გარემოში იქნა აღმოჩენილი ცხედრები, რომ ისინი დაზიანებულია. ამიტომ აღებული იქნება დნმ-ის ანალიზიც და შესაბამისად, ჩატარდება ყველა პროცედურა მათ ამოსაცნობად“, - განაცხადა ბარნაბიშვილმა.
სტიქიის ზონაში 20-ზე მეტ ადამიანს ეძებენ, რომელთა შორის მცირეწლოვანი ბავშვებიც არიან. დღეიდან საძიებო-სამაშველო ღონისძიებებში თავდაცვის ძალები ჩაერთნენ. ირაკლი ქარსელაძის თქმით, ახლა მაქსიმალური ძალისხმევა მიმართულია იმ ტერიტორიისკენ, სადაც სტიქიამდე კოტეჯები იყო განთავსებული.
შოვის ტერიტორიაზე სტიქიური პროცესები 3 აგვისტოს, დაახლოებით 15:15 საათზე განვითარდა. ღვარცოფმა მთლიანად გაანადგურა კურორტზე არსებული კოტეჯები, დააზიანა სასტუმროები, წაიღო ავტომობილები და შოვამდე მისასვლელი ერთადერთ სამანქანო გზაზე ხიდები დაანგრია. მაშველებმა სტიქიის ზონაში შესვლა 3 საათის შემდეგ, მხოლოდ სასაზღვრო პოლიციის ვერტმფრენებით მოახერხეს.
ადგილობრივების ინფორმაციით, სტიქიამდე ორი დღით ადრე, ბუბას მთაზე მეწყერი ჩამოვიდა, რის შედეგადაც მდინარე ბუბისწყლის ხეობაში დიდი რაოდენობით წყალი დაგუბდა, 3 აგვისტოს კი, წყალმა გამოხეთქა და ღვარცოფი გამოიწვია.
