ბაღდათის მუნიციპალიტეტის სოფელ ნერგეეთში, მეწყერში მოყოლილი კიდევ ერთი, მეოთხე ადამიანის ცხედარი იპოვეს. ამ დროისთვის, მაშველები ხუთ ადგილობრივ მცხოვრებს ეძებენ.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 სოზარ სუბარი პოლიციელების ხელფასების 20%-ით გაზრდას ითხოვს
- 4 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 5 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 6 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
„ინტენსიური ძებნა-შველის ღონისძიების შედეგად, ნანახია ოთხი ადამიანის ცხედარი, მიმდინარეობს ხუთის ძებნა-შველის ღონისძიება. სამუშაოებში ჩართულია 200-ზე მეტი მეხანძრე-მაშველი, კინოლოგიური ჯგუფი, ხდება დამატებითი ტექნიკის მობილიზება და ინტენსიურად ვაგრძელებთ მუშაობას, ვიდრე ყველა ცხედარი არ იქნება ნანახი“, - განაცხადა საგანგებო სიტუაციების მართვის სამსახურის უფროსმა, თემურ მღებრიშვილმა.
სამუშაოები, სავარაუდოდ, დღის ბოლომდე დასრულდება.
„დაახლოებით 70%-ია დარჩენილი, მიწის მასისგან გასასუფთავებელი ადგილი. ძალიან დიდი მასა, მთის ფერდობია მოწყვეტილი“, - აღნიშნა მღებრიშვილმა.
სოფელ ნერგეეთში მეწყრული პროცესები გვიან ღამით განვითარდა. ჩამოწოლილმა მიწის მასამ ოთხი საცხოვრებელი სახლი მოიყოლა. სტიქიას ერთი ადამიანი გადაურჩა, რომელიც საავადმყოფოში გადაიყვანეს. ნანგრევებსა და მიწის მასაში ბავშვებიც არიან მოყოლილი. მაშველები მამას და მის სამ არასრულწლოვან შვილს ეძებენ.
6 თებერვალს, უხვი ნალექის შედეგად გამოწვეულ ზვავსა და მეწყერს, 2 ადამიანი ემსხვერპლა მაღალმთიან აჭარაშიც. აჭარის მთავრობის თავმჯდომარის განცხადებით, სტიქიის გამო, ქედაში, შუახევსა და ხულოში 90-ზე მეტი ოჯახი უსაფრთხო ადგილზე გადაიყვანეს.
გარემოს ეროვნულ სააგენტოს ინფორმაციით, 8 თებერვლამდე საქართველოში მოსალოდნელია ნალექი, უმეტესად თოვლის სახით, ზოგან ძლიერი. ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
