Վերջին ութ տարիների ընթացքում Վրաստանից արտահանվել է մոտ 700 000 ավտոմեքենայի կատալիզատոր։ Այս մասին հայտարարել է շրջակա միջավայրի և գյուղատնտեսության նախարարության մթնոլորտային օդի բաժնի ղեկավար Նոե Մեգրելիշվիլին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 4 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 5 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 6 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
«Ցավոք սրտի, արտահանումը շատ մասշտաբային է։ Ֆինանսների նախարարության տվյալներով՝ 2015 թվականից, եթե չեմ սխալվում, երկրից դուրս է բերվել 700 հազար կատալիզատոր, ինչը, հանգիստ կարող եմ ասել, որ աղետալի ցուցանիշ է։
Մեր գրանցված մեքենաների պարկը մոտ մեկուկես միլիոն է, բայց ավելի քիչ են ճանապարհներին, և եթե նկատի ունենանք, որ ճանապարհներին մոտ մեկ միլիոնն է երթևեկում, ապա 700 000 առանց կատալիզատորի մեքենա լինելը շատ տխուր պատկեր է:
Այդ իսկ պատճառով 2020 թվականի ապրիլից գրանցված մեքենաներից տեխզննման ժամանակ պահանջվում է ունենալ կատալիզատոր, սա նույնպես ստուգվում է»,- «Մթավարի» մեդիա կենտրոնում ասել է Նոե Մեգրելիշվիլին։
Նրա խոսքով, երկրում կա պրակտիկա, երբ մեքենաների սեփականատերերը տեխզննման օրվա համար կատալիզատորներ են խնդրում կամ վարձակալում։
«Սրանից խուսափելու համար խոշոր քաղաքներում՝ Թբիլիսիում, Բաթումիում, Քութայիսիում և Ռուսթավիում, որտեղ օդի աղտոտվածության ամենամեծ խնդիրն ունենք, սկսում ենք վերահսկել ճանապարհներին արտանետումները։ Նախարարության բնապահպանական վերահսկողության վարչության աշխատակիցները առաջին փուլում կկանգնեցնեն վիզուալ արտանետումներ ունեցող մեքենաներին, կստուգեն դրանք հատուկ տեխնիկայով և եթե պահանջները չբավարարվեն՝ կկիրառվեն համապատասխան պատժամիջոցներ։ Սա մեզ էֆեկտ կտա, որ այդ վնասակար պրակտիկան հնարավորինս կկրճատվի, և մեքենաները կերթևեկեն ճիշտ այրման համակարգով ոչ թե մեկ օր, այլ անընդհատ»,- ասել է Մեգրելիշվիլին։
Վրաստանից ավտոմեքենաների կատալիզատորների արտահանումը կարգելվի երեք տարով։ Ինչպես նշել է շրջակա միջավայրի պահպանության և գյուղատնտեսության նախարար Օթար Շամուգիան, կառավարության համապատասխան որոշումը կստորագրվի առաջիկա օրերին և այն անմիջապես ուժի մեջ կմտնի։
Բացի այդ, 2024 թվականի հունվարի 1-ից կարգելվի մինչև 2013 թվականը արտադրված մարդատար ավտոմեքենաների ներմուծումը, իսկ 2025 թվականից այս արգելքը կտարածվի նաև ավտոբուսների և բեռնատարների վրա։ Կառավարությունն այս որոշումները բացատրում է անսարք մեքենաների պատճառով օդի աղտոտվածության խնդրով։
