Հայաստանի վարչապետ Նիկոլ Փաշինյանի խոսքով՝ Ադրբեջանը խոչընդոտում է մարդասիրական օգնության տեղափոխումը Լեռնային Ղարաբաղ։ Հայաստանը երեկ 19 բեռնատարներով 361 տոննա մարդասիրական բեռ է ուղարկել, թեև ավտոշարասյունը կանգ է առել Լաչինի միջանցքի մուտքի մոտ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Փաշինյանի խոսքով, հայկական կողմը խնդրել է ռուս խաղաղապահներին ստանալ բեռը և հասցնել Լեռնային Ղարաբաղ, որտեղ «Լաչինի միջանցքի ութ ամիս ապօրինի շրջափակման հետևանքով հումանիտար ճգնաժամ է սկսվել»։
«Սակայն Ադրբեջանը խոչընդոտում է մարդասիրական բեռների տեղափոխումը Լաչինի միջանցք և Լեռնային Ղարաբաղ։ Այս պրակտիկան անհասկանալի է և անընդունելի։
Լաչինի միջանցքի ապօրինի արգելափակման շարժառիթն այն էր, որ Հայաստանն իբր այդ միջանցքն օգտագործել է ռազմական նպատակներով։ Սա, իհարկե, անհեթեթ հայտարարություն է, բայց օգտագործվում է որպես պատրվակ Լաչինի միջանցքը ապօրինի փակելու համար։ Երեկ Լեռնային Ղարաբաղ ուղարկված 19 բեռնատարների պարունակությունը հետևյալն է՝ ալյուր՝ 100 տոննա, մակարոնեղեն՝ 80 տոննա, շաքարավազ՝ 60 տոննա, բուսական յուղ՝ 40 տոննա, կաթի փոշի՝ 40 տոննա, աղ՝ 20 տոննա, մանկական սնունդ՝ 12 տոննա, դեղեր՝ 9 տոննա։ Ընդհանուր՝ 361 տոննա։
Մինչ բեռների ուղարկելը հրավիրվել են Հայաստանում հավատարմագրված օտարերկրյա դիվանագետներ, որոնք ծանոթացել են Շահումյանի հրապարակում կայանված բեռնատարների վերը նշված բովանդակությանը։ Ինչո՞ւ Ադրբեջանը թույլ չի տալիս այդ բեռները Լեռնային Ղարաբաղ հասցնել։ Մի՞թե Ադրբեջանի իրական նպատակը Լեռնային Ղարաբաղի բնակիչներին սովամահ անելն է ու նրանց ցեղասպանությունը»,- կառավարության նիստում ասել է Փաշինյանը։
Ադրբեջանական կողմը Հայաստանին մեղադրում է սադրանքի մեջ։ ԱԳՆ հաղորդագրության համաձայն՝ մարդասիրական օգնության քողի տակ և առանց Բաքվի հետ համաձայնության ավտոշարասյուններ ուղարկելը Ադրբեջանի ինքնիշխան տարածքներ հարձակում է Ադրբեջանի տարածքային ամբողջականության և ինքնիշխանության վրա։
Լաչինի միջանցքը, որտեղով անցնում է Հայաստանը և Լեռնային Ղարաբաղը կապող միակ ճանապարհը, 2022 թվականի դեկտեմբերի 12-ից արգելափակված է։ Դեռևս փետրվարին ՄԱԿ-ի Արդարադատության միջազգային դատարանը Ադրբեջանի իշխանություններին հանձնարարել էր դադարեցնել Լաչինի միջանցքի արգելափակումը և ապահովել մարդկանց, տրանսպորտի և բեռների անխափան տեղաշարժը։ Ապրիլի վերջին Ադրբեջանի իշխանությունները այնտեղ անցակետ են տեղադրել։ Նրանց պարզաբանմամբ՝ անցակետը պետք է կանխի Ադրբեջանի տարածքում «անօրինական հայկական զինված խմբավորումների համար կենդանի ուժի, զենքի և ականների ապօրինի տեղափոխումը»։
