Նախագահ Սալոմե Զուրաբիշվիլիի հետ հանդիպումից հետո «Ուժեղ Վրաստան» կոալիցիայի առաջնորդները հայտարարել են, որ խորհրդարանական ընտրություններից հետո պետք է քննարկեն, թե ովքեր են լինելու ժամանակավոր, այսպես կոչված տեխնիկական կառավարության կազմում։ Նրանց խոսքով՝ այսօրվա հանդիպմանը կոնկրետ անուն-ազգանուններ չեն քննարկվել։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
«Այս երկրում իշխանությունը պատկանում է վրաց ժողովրդին։ Հետևաբար, մենք կարծում ենք, որ ցանկացած թեկնածու կամ թեկնածություններ պետք է դիտարկվի ընտրություններից հետո, և մենք դա շատ պարզ ասել ենք [նախագահին]: Որևէ թեկնածուի մասին խոսք չի եղել։ Մենք վրաց ժողովրդի հետ միասին պետք է կենտրոնանանք համոզիչ հաղթանակի և երկիրը եվրոպական կուրսին դնելու վրա։ Ինչ վերաբերում է թեկնածուներին, ապա թեկնածուների քննարկում չի եղել։ Մենք խորապես համոզված ենք, որ ընտրությունները և դրանց արդյունքներն այս երկրում պատկանում են ժողովրդին, և այս ընտրությունների արդյունքում մնացած բոլոր հարցերը պետք է քննարկվեն Խարտիայի [«Վրացական խարտիայի»] շրջանակներում։ ...
Վրաց ժողովրդի ընտրությունը գերակա է։ Պետք է սպասել հոկտեմբերի 26-ին, հաղթելու, խաղաղ ճանապարհով այս հաղթանակը ձևակերպելու համար, և ըստ այդմ, Խարտիայի շրջանակներում նախագահը, որպես այս իշխանության փոխանցման և նոր կազմի ձևավորման երաշխավոր, լինելու է գլխավոր դերակատարը»,- ասել է Մամուկա Խազարաձեն։
Նույնը կրկնել է Լևան Ցուցքիրիձեն, ով «Ուժեղ Վրաստան» կոալիցիայում ընդգրկված «Ազատության հրապարակ» քաղաքական շարժման հիմնադիրն է։ Ցուցքիրիձեի խոսքով, եվրոպական ժողովրդավարական երկրներում կառավարությունները ձևավորվում են ընտրողների կամքը հասկանալուց հետո։
«Կոնկրետ անձի կամ կազմի մասին խոսք չի եղել։ Մենք քննարկեցինք նախընտրական գործընթացը, խոսեցինք «Վրացական խարտիայի» իրականացման և այն մասին, որ վրաց ժողովրդի կամքը, որը պետք է արտահայտվի ընտրություններում, պետք է վճռորոշ լինի, ինչպես բոլոր ժողովրդավարական երկրներում է։ Որևէ անվան, որևէ կաբինետի կազմի մասին խոսք չի եղել, և իմ կարծիքով՝ դա ճիշտ է»,- ասել է Ցուցքիրիձեն։
Նախագահ Սալոմե Զուրաբիշվիլին հոկտեմբերի 7-ից խորհրդակցություններ է սկսել քաղաքական կուսակցությունների հետ՝ «Վրացական խարտիայով» նախատեսված ժամանակավոր կառավարության թեկնածուների ընտրության համար։ Մինչ այդ, «Պիրվելի» հեռուստաընկերությանը տված հարցազրույցում նա ասել էր, որ արդեն ընտրել է վարչապետի թեկնածուի, ով չունի քաղաքական անցյալ։ Սալոմե Զուրաբիշվիլին ասել է, որ ընտրություններին քիչ ժամանակ է մնացել, և անհրաժեշտ է բանակցություններ սկսել նախարարի պաշտոնի կոնկրետ թեկնածուների շուրջ։
