Վրաստանի քաղաքացիները կկարողանան Չինաստանի Ժողովրդական Հանրապետություն մուտք գործել առանց վիզայի և մնալ 30 օր։ Այս մասին կառավարության այսօրվա նիստում հայտարարել է Վրաստանի վարչապետ Իրակլի Կոբախիձեն։
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 3 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 4 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 5 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 6 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
«Չինաստանի Ժողովրդական Հանրապետությունը որոշում է կայացրել Վրաստանի քաղաքացիների համար առանց վիզայի ռեժիմ սահմանելու մասին։ Վրաստանի քաղաքացիները կկարողանան Չինաստանում 30 օր անընդմեջ անցկացնել առանց վիզայի։ Սա ամենակարևոր որոշումն է, որը մեր համաքաղաքացիների համար կհեշտացնի Չինաստան մեկնելը և նոր հնարավորություններ կստեղծի Վրաստանի և Չինաստանի միջև քաղաքական, տնտեսական և մշակութային կապերի հետագա զարգացման համար»,- ասել է Իրակլի Կոբախիձեն։
Վարչապետի խոսքով՝ այս որոշումը Վրաստանի և Չինաստանի միջև անցյալ տարի ստորագրված ռազմավարական գործընկերության համաձայնագրի ևս մեկ կարևոր արդյունքն է։
«Շնորհավորում եմ մեր համաքաղաքացիներին և ցանկանում եմ շնորհակալություն հայտնել չինացի բարեկամներին և Չինաստանի կառավարությանը այս կարևոր որոշման համար»,- ասել է Կոբախիձեն։
Ռազմավարական գործընկերության մասին համաձայնագրի ստորագրումից հետո 2023 թվականի սեպտեմբերին Վրաստանը Չինաստանի Ժողովրդական Հանրապետության քաղաքացիների համար սահմանեց առանց վիզայի ռեժիմ։ Արդյունքում, Չինաստանի քաղաքացիներն իրավունք ունեն մուտք գործել Վրաստան առանց վիզայի և 30 օր մնալ միայն զբոսաշրջության նպատակով։
Վրաստանի և Չինաստանի միջև գործում են ուղիղ չվերթներ։ Զբոսաշրջության ազգային գործակալության տվյալներով՝ 2023 թվականին Չինաստանից Վրաստան է այցելել 48 304 ճանապարհորդ, ինչը 554․5 տոկոսով ավելի է 2022 թվականի տվյալներից և 0․5 տոկոսով ավելի՝ համաճարակին նախորդող 2019 թվականի համեմատ։
Այս թեմայով՝
ԱՄՆ-ի և Չինաստանի հետ ռազմավարական գործընկերության խորացումը շատ կարևոր է․ Կոբախիձե
