Եվրամիության արտաքին ծառայության մամուլի խոսնակ Փիթեր Ստանոն հայտարարել է, որ Վրաստանը պետք է ստեղծի ազնվության ստուգման համակարգ, որը կազդի Արդարադատության բարձրագույն խորհրդի անդամների, Գերագույն դատարանի դատավորների և դատարանների նախագահների վրա։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Հայտարարության մեջ, որը տարածվել է դատաիրավական բարեփոխումների շուրջ Վրաստանում տեղի ունեցող զարգացումների կապակցությամբ, ասվում է, որ արդարադատության համապարփակ բարեփոխումները, ներառյալ Արդարադատության բարձրագույն խորհուրդը, համահունչ են 2023 թվականի ԵՄ ընդլայնման զեկույցի եզրակացություններին և ներկայացնում են Եվրահանձնաժողովի հիմնարար հանձնարարականներից մեկը Վրաստանի՝ Եվրամիությանն անդամակցելու ճանապարհին։ Ըստ Փիթեր Ստանոյի՝ սա այն ինը քայլերի մի մասն է, որին աջակցել են ԵՄ անդամ բոլոր երկրները՝ Վրաստանին թեկնածու երկրի կարգավիճակ շնորհելու վերաբերյալ հանձնարարականը հրապարակելիս։
«Դատական համակարգում առկա համակարգային մարտահրավերները լուծելու համար Վրաստանը պետք է ստեղծի ազնվության ստուգման արտակարգ համակարգ՝ այս գործընթացում վճռորոշ դեր ունեցող միջազգային փորձագետների ներգրավմամբ՝ դատական համակարգի բոլոր առաջատար պաշտոններում թեկնածուների և նշանակվածների համար, մասնավորապես՝ Արդարադատության բարձրագույն խորհուրդը, Գերագույն դատարանը և դատարանների նախագահների պաշտոնները։
Այս համատեքստում ԵՄ-ն անհանգստացած է վրացի պաշտոնյաների կողմից արված վերջին մեկնաբանություններով, որոնք ուղղված են կոնկրետ դատավորներին, ովքեր իրենց տեսակետներն են հայտնել դատական համակարգում ազնվության ստուգման հնարավոր համակարգի վերաբերյալ: Կարևոր է, որ ապահովվի դատական համակարգի անկախությունը»,- ասել է Փիթեր Ստանոն։
Նրա խոսքով, Եվրամիությունը շարունակում է սերտ երկխոսության մեջ լինել պաշտոնյաների հետ և պատրաստ է աջակցել այդ կարևոր բարեփոխումների առաջընթացին, որոնք օգուտ կբերեն Վրաստանի ժողովրդին։
Վրաստանի իշխող կուսակցության առաջնորդների համար կտրականապես անընդունելի է «վեթինգը», որը նշանակում է թեկնածուի համապատասխանության ստուգում հանրային հատվածում պատասխանատու պաշտոն ստանձնելուց առաջ, ներառյալ բարեխղճությունը, և նրանք փորձում են դա ներկայացնել որպես ընդդիմության և հասարակական կազմակերպությունների նախաձեռնություն։ Խորհրդարանի նախագահ Շալվա Պապուաշվիլին կարծում է, որ այդ մեխանիզմը դեմ է Վրաստանի Սահմանադրությանն ու ինքնիշխանությանը։
Գերագույն դատարանի անունից նույնպես «վեթինգի» դեմ հայտարարություն է տարածվել։ Դրանում ասվում է, որ դատավորների բարեխղճության ստուգման արտահերթ ընթացակարգը միանշանակ, էապես և սկզբունքորեն խաթարում է դատարանի կամ անհատ դատավորի անկախությունը։ Գերագույն դատարանի երկու դատավորներ՝ Եկատերինա Գասիտաշվիլին և Նինո Բակակուրին չաջակցեցին Գերագույն դատարանի պլենումի հայտարարությունը բարեխղճության ստուգման արտահերթ մեխանիզմի իրականացման վերաբերյալ և հրապարակավ հայտարարեցին այդ մասին։ Նման կարծիք հայտնեցին առաջին և երկրորդ ատյանի մյուս դատավորները։ Նրանք հայտարարում են, որ չեն ցանկանում խոչընդոտ դառնալ Վրաստանի եվրոպական ապագայի համար, հետևաբար՝ պատրաստ են անցնել բարեխղճության քննությունը։
Վարչապետ Կոբախիձեն մեղադրել է այլ կարծիք ունեցող դատավորներին՝ գործերը ձգձգելու հիմքով։ Ինչպես նա է ասել՝ «Գերագույն դատարանի երկու դատավորներից առնվազն մեկը բարեխղճության խնդիր ունի, քանի որ նա ժամանակին չի քննում գործերը, ծույլ է»։
