Գերմանիայի արտաքին գործերի նախարարությունը արձագանքում է Թբիլիսիում ռուսական օրենքի դեմ շարունակվող բողոքի ցույցերին և հայտարարում, որ Վրաստանի կառավարությունը պարտավոր է միտումնավոր չխոչընդոտել երկրի ուղին դեպի եվրոպական ապագա։
Լրահոս
Ընթերցողի ընտրանի
- 1 145 հազար ֆիզիկական անձանց հարկային պարտքերը կզրոյացվեն
- 2 Վրաստանը ձևավորվում է որպես կիսակոնսոլիդացված ավտորիտար ռեժիմ. Freedom House
- 3 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 4 ՄԱԿ-ը Վրաստանին կոչ է անում հետ կանչել ռուսական օրենքը
- 5 Կարող եք սպասել [մեր արձագանքին]. Պետդեպարտամենտը՝ ռուսական օրենքի մասին
- 6 Ռուսական օրենքի ընդունումից հետո ԵՄ-ին անդամակցելու բանակցություններ չեն լինի. Ֆոն Կրամոն
«Վրաստանում ամեն գիշեր հազարավոր մարդիկ են մասնակցում բողոքի ակցիաներին՝ հանուն խոսքի ազատության և ակտիվ քաղաքացիական հասարակության։ ԵՄ թեկնածուի կարգավիճակը պատմական հնարավորություն է։ Վրաստանի կառավարությունը պատասխանատվություն է կրում միտումնավոր չխոչընդոտելու երկրի ուղին դեպի եվրոպական ապագա»,- ասվում է X սոցիալական ցանցում հրապարակված հայտարարության մեջ։
«Վրացական երազանքը» կրկին օրակարգ բերեց այսպես կոչված «օտարերկրյա գործակալների» մասին ռուսական օրենքը, որը մեկ տարի առաջ բազմահազարանոց բողոքի ակցիաներից հետո ետ կանչվեց, և եղավ խոստում, որ այն երբեք չի ընդունվի։ Ռուսական օրենքը պարտավորեցնում է անկախ լրատվամիջոցներին և ոչ կառավարական կազմակերպություններին, որոնք աշխատում են միջազգային կազմակերպությունների դրամաշնորհային աջակցությամբ և չեն վերահսկվում կառավարության կամ նրա հետ կապված խմբերի կողմից, գրանցվել որպես օտարերկրյա գործակալ։
Ապրիլի 17-ին Վրաստանի խորհրդարանի 83 պատգամավորներ առաջին ընթերցմամբ սատարեցին ռուսական օրենքին։ Ավելի վաղ՝ ապրիլի 12-ին, Գերմանիայի կանցլեր Օլաֆ Շոլցը Վրաստանի վարչապետ Իրակլի Կոբախիձեի հետ հանդիպման ժամանակ հայտարարել էր, որ Գերմանիան, ինչպես ողջ Եվրամիությունը, այսպես կոչված գործակալների մասին օրենքին շատ քննադատաբար է վերաբերվում։ Կանցլերը հույս էր հայտնել, որ խորհրդարանը չի ընդունի այն։
Թբիլիսիում՝ խորհրդարանի մոտ, ապրիլի 15-ից բողոքի ցույցեր են ընթանում ընդդեմ ռուսական օրենքի։ Դրան հակառակ՝ «Վրացական երազանքը» ապրիլի 29-ին խորհրդարանի շենքի դիմաց «համընդհանուր հավաք» կանցկացնի՝ ի պաշտպանություն ռուսական օրենքի։ Հանրային ծառայությունների աշխատակիցներին պարտավորեցնում են մասնակցել ակցիային։