Վրաստանի խորհրդարանի անկախ պատգամավոր Թամար Կորձաիան կոչ է արել Վրաստանի հանրային պաշտպան Լևան Իոսելիանիին դուրս գալ և «Վրացական երազանքից» պահանջել դադարեցնել ռուսական օրենքի ընդունումը։
Լրահոս
Ընթերցողի ընտրանի
- 1 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 2 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 3 Ստանո՞ւմ ես ֆինանսավորման ավելի քան 20%-ը դրսից, հայտարարագրի՛ր․ Լավրովը՝ «Երազանքի» ռուսական օրենքի մասին
- 4 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 5 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
- 6 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
Կորձաիայի խոսքով՝ ռուսական օրենքը կոչնչացնի մարդու իրավունքները, ինչն ուղղակիորեն գրված է հանրային պաշտպանի պահանջով այսպես կոչված օտարերկրյա գործակալների մասին օրենքի վերաբերյալ Ժողովրդավարական հաստատությունների և մարդու իրավունքների գրասենյակի (ԵԱՀԿ/ԺՀՄԻԳ) պատրաստած եզրակացությունում։
«Ուստի կոչ եմ անում դուրս գալ և կանխարգելիչ կերպով պաշտպանել մարդու իրավունքները, սա իր գործառույթն է, ուղղակի գործառույթը, և նա պետք է դա անի, այլապես ամբողջ աշխարհը կիմանա, որ Վրաստանն ունի հանրային պաշտպան, որը չի պաշտպանում մարդու իրավունքները։ Սա Վրաստանի կառավարության քաղաքականությունն է, որը ոչնչացնում է մարդու իրավունքները։ Դրա համար երկրներում կա հանրային պաշտպան, որը դեմ է նման քաղաքականության իրականացմանը։ Ես քվեարկել եմ նրա օգտին՝ որպես հանրային պաշտպան և քվեարկել եմ նրա օգտին, որպեսզի պաշտպանի մարդու իրավունքները այս երկրում։ Ես խնդրում եմ, որ նա հիմա դուրս գա և «Վրացական երազանքից» պահանջի դադարեցնել այս օրենքի նախագծի քննարկումն ու ընդունումը»,- ասել է Կորձաիան։
Թամար Կորձաիան այն տասներկու ընդդիմադիր պատգամավորներից է, որոնց այսօր հարցեր տալու հնարավորություն չի տրվել և ռուսական օրենքի երկրորդ ընթերցման ժամանակ հեռացվել են իրավական հարցերի հանձնաժողովի նիստից։
2024 թվականի ապրիլի 3-ին «Վրացական երազանքը» կրկին օրակարգ բերեց այսպես կոչված «օտարերկրյա գործակալների» մասին ռուսական օրենքը, որը մեկ տարի առաջ բազմահազարանոց բողոքի ակցիաներից հետո ետ կանչվեց, և եղավ խոստում, որ այն երբեք չի ընդունվի։ «Ռուսական օրենքը» պարտավորեցնում է անկախ լրատվամիջոցներին և ոչ կառավարական կազմակերպություններին, որոնք աշխատում են միջազգային կազմակերպությունների դրամաշնորհային աջակցությամբ և չեն վերահսկվում կառավարության կամ նրա հետ կապված խմբերի կողմից, գրանցվել որպես օտարերկրյա գործակալ։ Ապրիլի 17-ին Վրաստանի խորհրդարանի 83 պատգամավորներ առաջին ընթերցմամբ սատարեցին ռուսական օրենքին։
Խորհրդարանի մոտ ապրիլի 15-ից բողոքի ակցիաներ են ընթանում ընդդեմ ռուսական օրենքի։ Հակառակ դրան, «Վրացական երազանքն» այսօր՝ ապրիլի 29-ին, «համընդհանուր հավաք» է անցկացնում՝ ի պաշտպանություն ռուսական օրենքի։ Իշխող կուսակցության կազմակերպած հակաակցիային, որին ստիպում են, որ հանրային ծառայության աշխատակիցները մասնակցեն, պետք է սկսվի ժամը 20:00-ին խորհրդարանի շենքի դիմաց։
