«Անցյալ տարի մենք Վրաստանին թեկնածուի կարգավիճակ շնորհեցինք, և Վրաստանի կառավարությունը մեզ խոստացավ, որ 9 քայլերը կկատարի, բայց այն, ինչ այսօր տեսնում ենք, Վրաստանի կառավարությունն ակտիվորեն ընդունել է օտարերկրյա գործակալների մասին օրենքը, քայլեր են ոչ թե դեպի Եվրամիություն, այլ հակառակը՝ դեպի Ռուսաստանի ազդեցություն»,- ասել է Էստոնիայի արտգործնախարար Մարգուս Ցահկնան Deutsche Welle-ին տված հարցազրույցում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Նրա խոսքով՝ Վրաստանի նախագահը հստակ ասել է, որ օրենքը սկզբունքորեն սխալ է, բանակցությունների տեղ չկա, և ինքը վետո կդնի դրա վրա, սակայն Վրաստանի Սահմանադրության համաձայն՝ վերջնական խոսքը պատկանում է խորհրդարանին, որը կարող է ընդունել նույն որոշումը։
«Մենք հուսով ենք, որ Վրաստանի կառավարությունը կքննարկի մեր ուղերձը և կվերանայի որոշումը, քանի որ մենք այդ հարցը խիստ ձևով կբարձրացնենք Եվրամիության մակարդակով։ Ինչպես նաև ասացի՝ թեկնածության կամ վիզաների ազատականացման վերաբերյալ մեր ընդունած բոլոր որոշումները երաշխավորված չեն, և դրա պատասխանատվությունը կրում է Վրաստանի կառավարությունը»,- ասել է Էստոնիայի արտաքին գործերի նախարարը, ով երկու օր առաջ իր լատվիացի, լիտվացի և իսլանդացի գործընկերների հետ միասին գտնվում էր Թբիլիսիում։
Հարցին, թե ինչ կարող է անել Եվրամիությունը Վրաստանի ժողովրդավարությունը պաշտպանելու համար, Մարգուս Ցահկնան ասել է, որ առաջին հերթին բոլորը պետք է հասկանան, որ Վրաստանում իրավիճակը շատ լուրջ է։
«Մենք պետք է միաձայն խոսենք Վրաստանի կառավարության հետ։ Մենք կարող ենք վերանայել վիզայի ռեժիմի ազատականացման մեր որոշումը, վերանայել մեր որոշումները, դիրքորոշումները ԵՄ անդամակցության ճանապարհին հաջորդ քայլերի վերաբերյալ։ Սրա համար պատասխանատու է Վրաստանի կառավարությունը։ Հուսով եմ, որ այս 14 օրերի ընթացքում, որոնք մնացել են մինչև նախագահի վետոն, Վրաստանի կառավարությունը կվերանայի իր որոշումը և կկարողանա շարունակել իր քայլերը դեպի Եվրամիություն, ինչպես որ համաձայնեցված է»։
«Վրացական երազանքն» անցյալ տարի ետ կանչած այսպես կոչված «օտարերկրյա գործակալների» մասին ռուսական օրենքը 2024 թվականի ապրիլի 3-ին կրկին օրակարգ բերեց և և երրորդ՝ վերջնական ընթերցմամբ ընդունեց մայիսի 14-ին։ Իշխանությունը հաշվի չառավ միջազգային գործընկերների զգուշացումները և երկրում շարունակվող բազմահազարանոց բողոքի ակցիաների՝ օրենքն անվերապահորեն ետ կանչելու պահանջը։
Եթե այս օրենքն ուժի մեջ մտնի, անկախ լրատվամիջոցները և ոչ կառավարական կազմակերպությունները, որոնք գործում են միջազգային հիմնադրամների դրամաշնորհային աջակցությամբ և չեն վերահսկվում կառավարության կամ հարակից խմբերի կողմից, ստիպված կլինեն գրանցվել որպես օտարերկրյա գործակալներ: Նախագահը մտադիր է վետո դնել խորհրդարանի կողմից հաստատված օրենքի վրա։ Ինչպես ասել է նախագահի խորհրդարանական քարտուղար Գիորգի Մսխիլաձեն՝ «վետոն իրավաբանորեն և տեխնիկապես հստակ» կլինի, միևնույն ժամանակ, վետոն «օրենքը փոխելու կամ ազնիվ դարձնելու հնարավորություն չի տա»։
ԱՄՆ Պետդեպարտամենտի գնահատմամբ՝ ռուսական օրենքը Վրաստանին կդնի վտանգավոր հետագծի վրա, կվտանգի Վրաստանի եվրաատլանտյան ուղին և կխաթարի ԱՄՆ-Վրաստան հարաբերությունները։ Օրենքը քննադատում է նաև Եվրամիությունը։ Եվրախորհրդարանի ազդեցիկ պատգամավորները համապատասխան կառույցներին կոչ են արել վերանայել ԵՄ-Վրաստան հարաբերությունները, այդ թվում՝ Վրաստանին քաղաքական և ֆինանսական աջակցության հարցը։
