Մտավախություն ունենք, որ նախագահի այցը կվնասի թեկնածուի կարգավիճակի համար ձգտմանը. Կոբախիձե

Կոբախիձեն աշխատակազմի հայտարարությունը շահարկում է անվանել։ Նրա խոսքով՝ ավելի լավ է, որ Սալոմե Զուրաբիշվիլին թեկնածուի կարգավիճակին վնասող հայտարարությունների լայն ասպարեզ չունենա։

«Մենք մտավախություն ունենք, որ նախագահի այցը և նրա հայտարարությունները կվնասեն թեկնածուի կարգավիճակ ստանալու մեր ջանքերին։ Դուք լսել եք նախագահի հայտարարությունները խորհրդարանում: Կհամաձայնեք ինձ հետ, որ այս հայտարարությունները հակասում են դեկտեմբերին թեկնածուի կարգավիճակ ստանալու Վրաստանի ցանկությանը։ Կառավարությունը կարող է տալ կամ չտալ իր համաձայնությունը, չգիտեմ, դա նրա իրավասությունն է, բայց ինձ համար տրամաբանական է, եթե կառավարությունը վախենում է նախագահի հայտարարություններից։

Վախենալը պայմանական բառ է, քանի որ մենք լսել ենք նրա վնասաբեր հայտարարությունները։ Երբ նախագահը հայտարարում է, որ խորհրդարանը ձևականորեն է կատարում հանձնարարականները և իրականում քայլեր չի ձեռնարկում կարգավիճակի համար, դա վնասակար է»,- լրագրողներին ասել է Իրակլի Կոբախիձեն։

Սալոմե Զուրաբիշվիլիի ելույթը Եվրախորհրդարանում նախատեսված է մայիսի 31-ին։ Նախագահի աշխատակազմի տվյալներով՝ Եվրախորհրդարանի նախագահ Ռոբերտա Մեցոլայի նամակը ստացվել է ապրիլի 27-ին, իսկ կառավարությանը այն հաստատելու համար ուղարկվել է նույն օրը։

Սալոմե Զուրաբիշվիլին Եվրախորհրդարանում պետք է ներկայանար ապրիլի 18-ին, սակայն մի քանի օր առաջ այցը հետաձգվեց։ Ըստ նախագահի աշխատակազմի, դրա պատճառը կառավարության կողմից հաստատման արհեստականորեն ձգձգված գործընթացն էր։ Կառավարությունից հերքեցին այս տեղեկությունը և նշվեց, որ ապրիլի 13-ին գրավոր համաձայնություն են ուղարկել նախագահին։

Մարտի 31-ին Վրաստանի խորհրդարանում իր ելույթի ժամանակ Սալոմե Զուրաբիշվիլին խստորեն քննադատեց «Վրացական երազանքին» և հայտարարեց, որ կառավարությունը «վերջին տարիներին իր անհասկանալի քայլերով հակադրվում է երկրի արտաքին նպատակին և ժողովրդի մանդատին»։