Վրաստանի նախագահ Սալոմե Զուրաբիշվիլին վետո է դրել խորհրդարանի կողմից ընդունված Ընտրական օրենսգրքի փոփոխությունների վրա, որոնց համաձայն փոխում է ԿԸՀ նախագահի և անդամների ընտրության կարգը։
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 3 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 4 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 5 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
- 6 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
Գործող օրենքով ԿԸՀ նախագահի և անդամների ընտրության մրցույթը հայտարարում է նախագահը, ինչպես նաև՝ ձևավորում թեկնածուների ընտրող հանձնաժողովը, այնուհետև ընտրված թեկնածուներին ներկայացնում խորհրդարան։ Փոփոխությունների համաձայն՝ հանձնաժողովի ստեղծումը, թեկնածուների ընտրությունն ու ներկայացումն իրականացնելու է խորհրդարանի նախագահը, իսկ վերջնական ընտրությունը տեղի կունենա խորհրդարանի պարզ մեծամասնությամբ, ինչը, ըստ նախագահի, կնշանակի միակուսակցական որոշում։
«100 ձայնի փոխարեն 76 ձայնով նախագահի և անդամների ընտրությունը վերացնում է կոնսենսուսի վրա հիմնված որոշումների անհրաժեշտությունը և մեծացնում բևեռացման վտանգը։ Վետոն ծառայում է այս կոնսենսուսի պահպանման նպատակին»,- ասել է նախագահը։
Սալոմե Զուրաբիշվիլին խորհրդարանին առաջարկում է ԿԸՀ նախագահին ու անդամներին ընտրել առնվազն 90 ձայնով, ինչպես եղավ հանրային պաշտպանի դեպքում։ Նախագահը կարծում է, որ դա անհրաժեշտ է ընտրությունների և ընտրական վարչարարության նկատմամբ վստահությունը պահպանելու և ամրապնդելու համար։
Խորհրդարանը հունիսի 13-ին երրորդ և վերջնական ընթերցմամբ ընդունել է Ընտրական օրենսգրքի փոփոխությունները։ Օրինագծի նախաձեռնողները եղել են «Վրացական երազանքի» անդամներ՝ Մամուկա Մդինարաձեն, Գիվի Միքանաձեն, Դավիթ Մաթիկաշվիլին, Ռատի Իոնաթամիշվիլին և Իրակլի Շատակիշվիլին։
Ընտրական օրենսդրության կատարելագործումը Եվրամիության թեկնածուի կարգավիճակ ստանալու համար Վրաստանի համար սահմանված 12 պայմաններից մեկն է։ Հունիսի 22-ին Եվրոպական հարևանության քաղաքականության և ընդլայնման հարցերով հանձնակատար Օլիվեր Վարհեին հայտարարել է, որ Վրաստանն այս ուղղությամբ «որոշակի առաջընթաց» է գրանցել։ Եվրահանձնաժողովը Վրաստանին կոչ է արել հրաժարվել ընտրական օրենսդրության փոփոխություններից, որոնք փոխում են Կենտրոնական ընտրական հանձնաժողովի նախագահի նշանակման կարգը։
