Ըստ ԱՄՆ միջազգային զարգացման գործակալության՝ USAID-ի ղեկավար Սամանթա Փաուերի, այսպես կոչված «օտարերկրյա գործակալների» նման օրենքները տեղ չունեն Եվրոպայում, և փորձը ցույց է տալիս, որ նման օրենքներն ազդում են կոռուպցիայի համար պատասխանատվության և խոսքի ազատության վրա:
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ամերիկայի ձայն»-ի փոխանցմամբ՝ Սամանթա Փաուերն այս հայտարարությունն արել է Սենատի արտաքին հարաբերությունների հանձնաժողովի նիստում այն բանից հետո, երբ սենատոր Ժաննա Շահինը հարցրել է Վրաստանում ԱՄՆ-ի կողմից ֆինանսավորվող քաղաքացիական կազմակերպությունների ապագայի վրա այսպես կոչված «օտարերկրյա գործակալների» մասին օրենքի ազդեցության մասին, եթե այն հաստատվի խորհրդարանի կողմից։
«Մենք տեսել ենք, որ Ռուսաստանի օտարերկրյա գործակալների մասին օրենքի կրկնօրինակ տարբերակները հայտնվել են շատ տեղերում, և արդյունքը եղել է ավելի քիչ պատասխանատվությունը կոռուպցիայի համար և խոսքի ազատության սահմանափակումները: Իհարկե, Վրաստանն այժմ կանգնած է կամ կարծես թե կանգնած է դեպի Եվրոպա տանող ճանապարհին, և վերջերս որոշակի ճանաչում է ստացել այդ հավակնությունների համար: Ըստ էության, օտարերկրյա գործակալների մասին նմանատիպ օրենքները Եվրոպայում տեղ չունեն։ Մարդու իրավունքները և ժողովրդավարական սկզբունքները պետք է ոչ միայն ճանաչվեն, այլև պաշտպանվեն», - ասել է Փաուերը։
USAID-ի ղեկավարը նախորդ տարի ևս քննադատել էր ռուսական օրենքը՝ ասելով, որ այն լուրջ վտանգ կստեղծի Վրաստանի եվրատլանտյան ապագայի համար։
«Վրացական երազանքը» վերադարձրեց այսպես կոչված օտարերկրյա գործակալների մասին օրենքի նախագիծը, որը մերժվել էր մեկ տարի առաջ՝ հանրային լայնածավալ բողոքի ակցիաների արդյունքում։ Այն ժամանակ իշխանության կողմից եղել էր խոստում, որ օրինագիծն «անվերապահորեն, առանց որևէ պայմանի» է հետ կանչվել խորհրդարանից։ Օրենքի նախագծի տեքստը նույն է՝ միայն «օտարերկրյա ազդեցության գործակալ»-ը փոխարինվել է «օտար ուժի շահերը կրող կազմակերպություն» եզրույթով։
ԱՄՆ Պետդեպարտամենտը, ՆԱՏՕ-ն, ՄԱԿ-ը, Եվրամիությունը, ԵՄ անդամ 12 երկրների խորհրդարանների արտաքին հանձնաժողովները և առանձին եվրոպական խորհրդարանի պատգամավորներ մտահոգություն են հայտնել օրենքի նախագծի վերսկսման կապակցությամբ։ Ըստ ԱՄՆ դեսպան Ռոբին Դաննիգանի՝ «Վրացական երազանքի» օրինագիծը նման չէ ամերիկյան FARA-ին։
Իշխող կուսակցությունը մտադիր է ռուսական օրենքը ընդունել մինչև գարնանային նստաշրջանի ավարտը, չնայած այն հանգամանքին, որ դա կարող է վնասել Վրաստանի եվրաինտեգրման գործընթացին։
