Պատգամավորներ Վլադիմիր Չաչիբայան և Նինո Իոբաշվիլին նշանակվել են վարչապետի խորհրդականներ

«Մեր թիմի ղեկավարներն ասացին, որ ինչ-որ կադրային փոփոխություններ կլինեն։ Մեր երեք գործընկերներն արժանապատիվ անձինք են։ Նրանք տարբեր պաշտոններում կշարունակեն ծառայել երկրին ու թիմին։ Ամենակարևորն այն է, որ մեր թիմը միասնական է, մենք միասին կշարունակենք հոգ տանել և աշխատել երկրի և նրա քաղաքացիների բարեկեցության, ինչպես նաև անվտանգության համար»,- ասում է խորհրդարանի անդամ Իոնաթամիշվիլին։

«Վրացական երազանքի» համամասնական ցուցակի համաձայն՝ խորհրդարանում Վլադիմիր Չաչիբայային, Գիորգի Խելաշվիլիին ու Նինո Իոբաշվիլիին կփոխարինեն Թոռնիկե Ճեիշվիլին, Մերաբ Քվարայան և Սալոմե Քուրասբեդիանին։

Թոռնիկե Ճեիշվիլին Վրաստանի արդարադատության փոխնախարարն է 2021 թվականի ապրիլից։ Մերաբ Քվարայան եղել է Զուգդիդիի մեծամասնական պատգամավորը «Վրացական երազանքից» 2016-2020 թվականների գումարման խորհրդարանում։ Սալոմե Քուրասբեդիանին Շրջակա միջավայրի պահպանության և բնական պաշարների խորհրդարանական հանձնաժողովի աշխատակազմի ղեկավարն է։

«Վրացական երազանքը» մարտի 7-ին 76 ձայնով առաջին ընթերցմամբ ընդունեց «Օտարերկրյա ազդեցության թափանցիկության մասին» օրենքի նախագիծը, որով արտաքին ազդեցության գործակալներ էին համարվում կառավարությունից ֆինանսապես անկախ հասարակական կազմակերպություններն ու լրատվամիջոցները։ Օրինագծին չեն աջակցել «Վրացական երազանքի» պատգամավորներ Իրակլի Կովզանաձեն, Վլադիմիր Չաչիբայան, Նինո Իոբաշվիլին, Դավիթ Սերգեենկոն, Գիորգի Խելաշվիլին, Էլգուջա Գոցիրիձեն, Իրակլի Մեձմարիաշվիլին և Քեթևան Դումբաձեն։ Քվեարկությունից մի քանի ժամ անց Քեթևան Դումբաձեն և Իրակլի Մեձմարիաշվիլին ասացին, որ իրենք կողմ են քվեարկել օրինագծին, սակայն տեխնիկական սխալի պատճառով իրենց քվեարկությունը սխալ է արտացոլվել։ Նիստին չէին ներկայացել Իրակլի Կովզանաձեն, Էլգուջա Գոցիրիձեն և Նինո Իոբաշվիլին։

Խորհրդարանական մեծամասնության անդամ, Գուրջաանիի, Սիղնաղիի, Դեդոպլիստսկարոյի և Սագարեջոյի շրջանների մեծամասնության պատգամավոր Դավիթ Սոնղուլաշվիլին ներողություն է խնդրել ռուսական օրենքին աջակցելու համար, ով ֆեյսբուքյան իր պաշտոնական էջում գրել է. «Ես չեմ խուսափի անձնական պատասխանատվությունից և կարծում եմ, որ ինքս մեծ սխալ եմ թույլ տվել»: Նա քիչ անց ջնջել է այս հայտարարությունը։ Սոնղուլաշվիլին այժմ ասում է, որ գլխավորն այն է, որ ինքը արտահայտել է իր դիրքորոշումը, և թե ինչու է ջնջել հայտարարությունը՝«էական չէ»։

Տարածվում էր տեղեկություն, որ «Վրացական երազանքը» այն պատգամավորներից, որոնք կողմ չեն քվեարկել ռուսական օրենքի ընդունմանը, պահանջել է խորհրդարանի անդամի մանդատը վայր դնել։ Շուտով Վլադիմիր Չաչիբայան հայտարարեց, որ որոշել է լքել պատգամավորի մանդատը, և դա իր պնդումն է։

Դավիթ Սերգեենկոն լրատվամիջոցներին մեկնաբանել է նաև խորհրդարանը լքելու մասին, ըստ որի՝ սպասում է կուսակցության ղեկավարության հավասարակշռված դիրքորոշմանը այս հարցում։

Իրակլի Կովզանաձեն արդեն հրաժարվել է մանդատից։ «Վրացական երազանքի» նախագահ Իրակլի Կոբախիձեն պարզաբանել է, որ Կովզանաձեի՝ խորհրդարանից հեռանալը ոչ մի կերպ կապված չէ օրինագծի հետ։ «Նա ցանկանում է վերադառնալ մասնավոր հատված և դրա համար էլ կայացրել է այս որոշումը։ Ինչ վերաբերում է մյուս տեղափոխություններին, եթե ինչ-որ տեղափոխություն լինի, ապա դա կլինի միայն թիմի շրջանակներում»,- մարտի 21-ին ասել է Կոբախիձեն։

Ռուսթավելիի պողոտայում տեղի ունեցած բազմահազարանոց բողոքի ցույցերից և միջազգային աննախադեպ ճնշումներից հետո «Վրացական երազանքը» հրաժարվեց ընդունել ռուսական օրենքը։ Մարտի 7-9-ին իշխանությունները ցրեցին հանրահավաքները՝ օգտագործելով արցունքաբեր գազ, ջրցան մեքենաներ և պղպեղի սփրեյ։