Ռուսական օրենքի հետ կապված հերթական հայտարարությունն է արվել ԱՄՆ Պետական դեպարտամենտում։ Գերատեսչության խոսնակի տեղակալ Վեդանտ Պատելի խոսքերով՝ ԱՄՆ-ը շարունակում է մտահոգված լինել, որ ուժի մեջ մտնելուց հետո, օրենքը կխարանի քաղաքացիական հասարակության կազմակերպությունները և լրատվամիջոցները:
Լրահոս
Ընթերցողի ընտրանի
- 1 145 հազար ֆիզիկական անձանց հարկային պարտքերը կզրոյացվեն
- 2 Վրաստանը ձևավորվում է որպես կիսակոնսոլիդացված ավտորիտար ռեժիմ. Freedom House
- 3 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 4 Կարող եք սպասել [մեր արձագանքին]. Պետդեպարտամենտը՝ ռուսական օրենքի մասին
- 5 ՄԱԿ-ը Վրաստանին կոչ է անում հետ կանչել ռուսական օրենքը
- 6 Ռուսական օրենքի ընդունումից հետո ԵՄ-ին անդամակցելու բանակցություններ չեն լինի. Ֆոն Կրամոն
«Մենք կարծում ենք, որ քաղաքացիական հասարակությունը, լրագրությունը, մեդիա կազմակերպությունները ցանկացած ժողովրդավարական հասարակության հիմնաքարն են։ Կոչ ենք անում Վրաստանի կառավարությանը ականջալուր լինել այն նախազգուշացումներին, որ այս օրինագիծը չի համապատասխանում Եվրոպական միության նորմերին ու արժեքներին և, իհարկե, այն բացասաբար կանդրադառնա դեպի ԵՄ ճանապարհին Վրաստանի առաջընթացի վրա»,- ասել է Պատելը ապրիլի 17-ին կայացած ճեպազրույցում։
Ապրիլի 17-ին, չնայած բազմահազար բողոքի ակցիաներին և միջազգային գործընկերների քննադատություններին, «Վրացական երազանքն» առաջին ընթերցմամբ ընդունեց ռուսական օրենքը։ Այսպես կոչված օտարերկրյա գործակալների մասին օրենքի նախագծին սատարող 83 պատգամավորներից 73-ը «Վրացական երազանքի» անդամներ են, իսկ մնացածը իշխող կուսակցությանը ենթարկվող «Ժողովրդի ուժի» և «Եվրոպացի սոցիալիստների» անդամները։
«Մի կողմից վրաց ժողովուրդը, մյուս կողմից՝ 83 պատգամավոր, ովքեր դեմ են քվեարկել մեր եվրոպական ապագային։ Ժողովուրդը միշտ հաղթում է»,- ասել է Սալոմե Զուրաբիշվիլին, ով մտադիր է վետո դնել ռուսական օրենքի վրա, եթե այն վերջնականապես ընդունվի։
ԵՄ արտաքին գործերի և անվտանգության քաղաքականության գերագույն ներկայացուցիչ Ջոզեֆ Բորելը և Հարևանության քաղաքականության և ընդլայնման հարցերով հանձնակատար Օլիվեր Վարհեին հայտարարել են, որ օրենքը չի համապատասխանում ԵՄ հիմնական արժեքներին: Նրանք Վրաստանին կոչ են արել ձեռնպահ մնալ այնպիսի օրենսդրության ընդունումից, որը կարող է վտանգել Վրաստանի ճանապարհը դեպի Եվրամիություն։
Վարչապետ Իրակլի Կոբախիձեն քվեարկությունից հետո կայացած ճեպազրույցում ասել է, որ «իրականում օրենքը հենց եվրոպական է» և «այն ոչ միայն չի հեռացնի Վրաստանին Եվրոպայից, այլ որակապես կմոտեցնի մեզ» ԵՄ ինտեգրման նպատակին։