ამერიკის შეერთებული შტატების სახელმწიფო დეპარტამენტში რუსულ კანონთან დაკავშირებით კიდევ ერთი განცხადება გაკეთდა. დეპარტამენტის პრესსპიკერის მოადგილის, ვედანტ პატელის თქმით, აშშ კვლავ შეშფოთებულია, რომ ძალაში შესვლის შემთხვევაში, ეს კანონი სამოქალაქო საზოგადოების ორგანიზაციებისა და მედიის სტიგმატიზებას მოახდენს.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 4 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 5 83 დეპუტატი, რომელმაც რუსულ კანონს მხარი დაუჭირა | სია
- 6 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
„ვფიქრობთ, რომ სამოქალაქო საზოგადოება, ჟურნალისტიკა, მედია ორგანიზაციები არის ნებისმიერი დემოკრატიული საზოგადოების ქვაკუთხედი. მოვუწოდებთ საქართველოს მთავრობას, გაითვალისწინოს გაფრთხილებები, რომ ეს კანონპროექტი არ შეესაბამება ევროკავშირის ნორმებსა და ღირებულებებს და რა თქმა უნდა, ის უარყოფითად იმოქმედებს საქართველოს პროგრესზე ევროკავშირის გზაზე“, - განაცხადა პატელმა 17 აპრილს გამართულ ბრიფინგზე.
17 აპრილს, მრავალათასიანი საპროტესტო აქციებისა და საერთაშორისო პარტნიორების კრიტიკის მიუხედავად, „ქართულმა ოცნებამ“ რუსული კანონი პირველი მოსმენით მიიღო. ე.წ. უცხოეთის აგენტების შესახებ კანონპროექტის მხარდამჭერი 83 დეპუტატიდან 73 „ქართული ოცნების“ წევრია, დანარჩენები კი მმართველი პარტიის სატელიტებს - „ხალხის ძალასა“ და „ევროპელ სოციალისტებს“ წარმოადგენენ.კენჭისყრაში ოპოზიცია არ მონაწილეობდა.
„ერთ მხარეს ქართველი ხალხი, მეორე მხარეს 83 დეპუტატი, რომლებმაც ხმა ჩვენი ევროპული მომავლის წინააღმდეგ მისცეს. ხალხი ყოველთვის იმარჯვებს!“, - განაცხადა სალომე ზურაბიშვილმა, რომელიც აპირებს რუსულ კანონს, თუ მას საბოლოოდ მიიღებენ, ვეტო დაადოს.
ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა და სამეზობლო პოლიტიკისა და გაფართოების საკითხებში კომისარმა,ოლივერ ვარჰეიმ განაცხადეს, რომ კანონი არ შეესაბამება ევროკავშირის ძირითად ნორმებსა და ღირებულებებს. მათ საქართველოს მოუწოდეს, თავი შეიკავოს იმ კანონმდებლობის მიღებისგან, რომლებმაც შეიძლება საფრთხე შეუქმნას საქართველოს გზას ევროკავშირისკენ.
პრემიერ-მინისტრმა ირაკლი კობახიძემ კენჭისყრის შემდეგ გამართულ ბრიფინგზე თქვა, რომ „სინამდვილეში კანონი არის სწორედ რომ ევროპული“ და „ის არათუ ვერ დააშორებს საქართველოს ევროპას, არამედ თვისებრივად დაგვაახლოებს“ ევროკავშირში ინტეგრაციის მიღწევის მიზანთან.
