«Շքամուտքի մոտ դիմավորել են եղբորս և ֆիզիկական բռնության ենթարկել»,- Զուրաբ Ջափարիձե

Գիա Ջափարիձեն ներկայում դասախոս է Վրաստանի համալսարանում և Իլիա Ճավճավաձեի կենտրոնի խորհրդի անդամ է։ Մինչ այդ զբաղվել է դիվանագիտական ​​գործունեությամբ՝ եղել է Հունաստանի Հանրապետությունում Վրաստանի դեսպանատան հյուպատոսական աշխատակից և խորհրդական, Եվրոպական հարցերի դեպարտամենտի խորհրդական, Պորտուգալիայի Հանրապետությունում Վրաստանի դիվանագիտական ​​ներկայացուցչության ղեկավար, դեսպանի պաշտոնակատար, Կիպրոսի Հանրապետությունում Վրաստանի դիվանագիտական ​​առաքելության ղեկավարի պաշտոնակատար։

• Մայիսի 8ին ընդդիմադիր «Ազգային շարժում» կուսակցության անդամ Դիմիտրի Չիքովանին հարձակման և ֆիզիկական բռնության է ենթարկվել։ Չիքովանին բազմաթիվ մարմնական վնասվածքներ է ստացել դեմքի հատվածում։ Հարձակմանը նախորդել էր ապրիլի 23-ին վարչապետ Իրակլի Կոբախիձեի հայտարարությունն այն մասին, թե ռուսական օրենքի դեմ անցկացվող ակցիաներին «Դավիթ Կեզերաշվիլիի և Դիմա Չիքովանիի կողմից 1000 լարիով են ֆինանսավորվող» մարդիկ են մասնակցում։ Չիքովանին «Ֆորմուլա» հեռուստաընկերության հիմնադիր և Վրաստանի պաշտպանության նախկին նախարար Դավիթ Կեզերաշվիլիի կնոջ եղբայրն է։
• Մայիսի 3-ին Թբիլիսիում բողոքի ակցիային մասնակցող երիտասարդները հարձակման են ենթարկվել։ Հարձակվողներից մի քանիսը բացահայտվել են լրատվամիջոցների կողմից: Նրանք «Վրացական երազանքի» հետ առնչություն ունեցող անձինք են, այդ թվում՝ մի քանի մարզիչներ, որոնք ֆինանսավորվում են բյուջեից։
• Մայիսի 5-ին Լանչխութիում ռուսական օրենքի դեմ բողոքի ակցիայի ակտիվ մասնակից, ուսուցիչ Լադո Աբխազավան և նրա որդին հարձակման են ենթարկվել իրենց շքամուտքից դուրս գալու ժամանակ։
• Մայիսի 7-ին Թբիլիսիում Շվեդիայի դեսպանատնից դուրս գալուց հետո հարձակման են ենթարկվել «Տեղեկատվության ազատության զարգացման ինստիտուտ» հասարակական կազմակերպության տնօրեն Գիորգի Կլդիաշվիլին և «Ֆորմուլա» հեռուստաընկերության նկարահանող խումբը։ Կլդիաշվիլին հարձակման պահին հարցազրույց է տվել «Ֆորմուլա»-ին։

Մեղադրանք է առաջադրվել միայն մեկ անձի, ով հարձակվել է Լադո Աբխազավայի և նրա որդու վրա։ Դատախազության պահանջով դատարանը մեղադրյալի նկատմամբ որպես խափանման միջոց գրավ է կիրառել՝ 4 հազար լարիի չափով։

Ներքին գործերի նախարարությունը հարձակման այլ փաստեր չի հետաքննել։