„ჩემს ძმას სადარბაზოსთან დახვდა რამდენიმე ადამიანი და ფიზიკურად გაუსწორდნენ. სასწრაფოა მისული და საავადმყოფოში გადაიყვანენ სავარაუდოდ“, - წერს პარტია „გირჩი - მეტი თავისუფლების“ ლიდერი, ზურაბ ჯაფარიძე. გია ჯაფარიძე ე.წ. „უცხოეთის აგენტების“ შესახებ რუსული კანონის წინააღმდეგ საპროტესტო გამოსვლების აქტიური მონაწილეა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
გია ჯაფარიძე ამჟამად საქართველოს უნივერსიტეტის ლექტორი და ილია ჭავჭავაძის ცენტრის გამგეობის წევრია. მანამდე ეწეოდა დიპლომატიურ საქმიანობას - იყო საქართველოს საელჩოს საკონსულო ოფიცერი და მრჩეველი საბერძნეთის რესპუბლიკაში; ევროპის საქმეთა დეპარტამენტის მრჩეველი; პორტუგალიის რესპუბლიკაში საქართველოს დიპლომატიური მისიის ხელმძღვანელი, ელჩის მოვალეობის შემსრულებელი; კვიპროსის რესპუბლიკაში საქართველოს დიპლომატიური მისიის ხელმძღვანელის მოვალეობის შემსრულებელი.
- 8 მაისს, თბილისში თავს დაესხნენ „ნაციონალური მოძრაობის“ წევრს, დიმიტრი ჩიქოვანსაც. მას სახის არეში სხეულის მრავლობითი დაზიანებები აქვს მიღებული. თავდასხმას წინ უძღოდა პრემიერ-მინისტრ ირაკლი კობახიძის მიერ, 23 აპრილს გაკეთებული განცხადება იმის შესახებ, რომ რუსული კანონის საწინააღმდეგო აქციებზე „დავით კეზერაშვილის და დიმა ჩიქოვანის მიერ 1000 ლარად დაფინანსებული ადამიანები დგანან“. ჩიქოვანი ტელეკომპანია „ფორმულას“ დამფუძნებლის და საქართველოს თავდაცვის ყოფილი მინისტრის, დავით კეზერაშვილის ცოლის ძმაა.
- 7 მაისს, თბილისში, შვედეთის საელჩოდან გამოსვლის შემდეგ, თავს დაესხნენ არასამთავრობო ორგანიზაცია „ინფორმაციის თავისუფლების განვითარების ინსტიტუტის“ დირექტორს, გიორგი კლდიაშვილს, ასევე, ტელეკომპანია „ფორმულას“ გადამღებ ჯგუფს. კლდიაშვილი „ფორმულას“ ინტერვიუს აძლევდა.
- 5 მაისს, ლანჩხუთში, სადარბაზოდან გამოსვლისას თავს დაესხნენ რუსული კანონის წინააღმდეგ საპროტესტო აქციების აქტიურ მონაწილეს, პედაგოგ ლადო აფხაზავას და მის შვილობილს.
- 3 მაისს, თბილისში, თავს დაესხნენ და ფიზიკურად გაუსწორდნენ საპროტესტო აქციის მონაწილე ახალგაზრდებს. თავდამსხმელების ნაწილი მედიის მიერ იდენტიფიცირებულია. ისინი „ქართულ ოცნებასთან“ დაკავშირებული პირები არიან, მათ შორისაა რამდენიმე მწვრთნელი, რომლებიც თბილისის მერიის მიერ ბიუჯეტიდან ფინანსდებიან.
ბრალი წაუყენეს მხოლოდ ლადო აფხაზავაზე და მის შვილობილზე თავდამსხმელ ერთ პირს. სასამართლომ პროკურატურის მოთხოვნით ბრალდებულს გირაო შეუფარდა 4 ათასი ლარის ოდენობით.
თავდასხმის სხვა ფაქტები შინაგან საქმეთა სამინისტრომ არ გამოიძია.
