«Մենք դա ընկալում ենք որպես թշնամական քայլ վրաց ժողովրդի եվրոպական նկրտումների և նրա ապագայի նկատմամբ։ Այս օրենքի կրկին նախաձեռնումը խաթարում է Վրաստանի՝ դժվարությամբ ձեռք բերված եվրոպական հեռանկարը և թեկնածուի կարգավիճակը»,- ասված է Չեխիայի, Դանիայի, Էստոնիայի, Ֆրանսիայի, Գերմանիայի, Իռլանդիայի, Իտալիայի, Լատվիայի, Լիտվայի, Լեհաստանի, Նորվեգիայի և Միացյալ Թագավորության խորհրդարանների արտաքին հարաբերությունների կոմիտեների նախագահների համատեղ հայտարարության մեջ։
Լրահոս
Ընթերցողի ընտրանի
- 1 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
- 2 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 3 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Նրանք «Վրացական երազանքին» կոչ են անում խորհրդարանական քննարկումներից հանել «օտարերկրյա գործակալների» մասին ռուսական օրենքը։
«Ապրիլի 3-ին իշխող «Վրացական երազանք» կուսակցության խորհրդարանական մեծամասնության առաջնորդը հայտարարեց «Օտարերկրյա ազդեցության թափանցիկության մասին» օրենքի նախագիծը կրկին օրակարգ բերելու մասին, որն, ըստ էության, ներկայացնում է անցյալ տարվա այսպես կոչված օտարկրյա ազդեցության մասին ռուսական օրենքի պատճենը:
Նկատի ունենալով, որ վրաց ժողովրդի հսկայական ճնշման և փողոցներում բացարձակ մոբիլիզացիայի պայմաններում իշխող կուսակցությունը 2023 թվականի մայիսին խոստացավ «անվերապահորեն հետ կանչել» նման օրենսդրությունը խորհրդարանական քննարկումներից,
մենք խորապես անհանգստացած ենք այս պուտինյան Ռուսաստանի օրենքի բովանդակությամբ, որը կոչված է խարանելու և թուլացնելու Վրաստանի ակտիվ եվրոպամետ քաղաքացիական հասարակությանն ու ոչ կառավարական հատվածին, մինչդեռ այն լայնորեն ճանաչվում է որպես Վրաստանի ամենամեծ ակտիվը/գանձը ու հույսը և բյուջեի և ֆինանսավորման թափանցիկության առումով, այն ունի ամենաուժեղ հեղինակությունն աշխարհում:
Հաշվի առնելով, որ քաղաքացիական հասարակության կազմակերպությունների և ԶԼՄ-ների ազատությանը նպաստող միջավայրի ստեղծումն ու պահպանումը ժողովրդավարության հիմքն է և կարևոր է Վրաստանի եվրաինտեգրման հաջողության համար, այս օրենքի կրկին նախաձեռնումը խաթարում է Վրաստանի եվրոպական հեռանկարը և թեկնածուի կարգավիճակը:
Մենք սա ընկալում ենք որպես թշնամական քայլ վրաց ժողովրդի եվրոպական նկրտումների և նրա ապագայի նկատմամբ և լուրջ մտահոգություն ենք հայտնում դրա վերաբերյալ։
Հիշեցնում ենք, որ Վրաստանին տրվել է Եվրամիության թեկնածուի կարգավիճակ՝ պայմանով, որ Եվրահանձնաժողովի կողմից սահմանված 12 հանձնարարականները կկատարվի մինչ անդամակցության բանակցությունները, և որ Վրաստանը մինչ այժմ կատարել է այդ հանձնարարականներից միայն 3-ը։
Հիշեցնում ենք նաև, որ 9-րդ հանձնարարականը կոչ է անում Վրաստանին ապահովել քաղաքացիական հասարակության ազատ գործունեությունը, իսկ 1-ինը՝ Վրաստանին կոչ է անում դիմակայել Եվրամիության և նրա արժեքների դեմ ուղղված ապատեղեկատվությանը։
Մենք կոչ ենք անում իշխող «Վրացական երազանք» կուսակցությանը հետ կանչել այն խորհրդարանական քննարկումներից, քանի որ մենք շարունակում ենք աջակցել վրաց ժողովրդի եվրոպական նկրտումներին և ակնկալում ենք, որ Վրաստանը կպահպանի իր հանձնառությունը՝ խթանելու ժողովրդավարությունը, օրենքի գերակայությունը և մարդու իրավունքները։
Մենք անկեղծորեն հուսով ենք, որ Վրաստանի կառավարությունը ևս մեկ անգամ կցուցաբերի իր հասունությունն ու վճռականությունը՝ ինտեգրվելու եվրոպական և եվրատլանտյան կառույցներին և կառաջնորդվի արևմտյան լիբերալ ժողովրդավարության արժեքներով։ Վրաց ժողովրդի ապագան կշեռքի նժարին է»,- ասվում է հայտարարության մեջ։
Վրաստանի ռազմավարական գործընկերները քննադատում են ռուսական օրենքի ընդունման ծրագիրը։
- ԱՄՆ Պետդեպարտամենտի մամուլի խոսնակ Մեթյու Միլլերի խոսքով՝ այս օրենքը Վրաստանին կշեղի եվրոպական ճանապարհից և կվնասի քաղաքացիական հասարակության կազմակերպություններին, որոնք բարելավում են քաղաքացիների կյանքը։
- ՆԱՏՕ-ի գլխավոր քարտուղար Յենս Ստոլտենբերգն ասել է, որ «օտարերկրյա գործակալների» կամ «օտարերկրյա ազդեցության» մասին օրինագծի նորից նախաձեռնումը «իրապես հակասում է Վրաստանում ժողովրդավարական ինստիտուտների ամրապնդմանն ուղղված բոլոր ջանքերին»։ Ստոլտենբերգը մտավախություն ունի, որ «օրենքը, որը ներդնում է օտարերկրյա գործակալի այս գաղափարը», իրականում ազդեցություն կունենա ինչպես միջազգային, այնպես էլ Վրաստանում գործող բազմաթիվ լրատվամիջոցների վրա։
- Եվրոպական միության արտաքին գործողությունների ծառայության մամուլի խոսնակ Պիտեր Ստանոն իշխանություններին հիշեցրել է Եվրահանձնաժողովի 1-ին և 9-րդ հանձնարարականների մասին, ըստ որոնց՝ Եվրամիությանն անդամակցելու շուրջ բանակցությունները սկսելու համար իշխանությունները պետք է ապահովեն երկրում քաղաքացիական հասարակության ազատ գործունեությունը և դիմակայեն Եվրամիությանն ու նրա արժեքների դեմ ուղղված ապատեղեկատվությանը։
«Վրացական երազանքը» ցանկանում է մինչև խորհրդարանի գարնանային նստաշրջանի ավարտը ընդունել ռուսական օրենքը, որը մերժել էր 2023 թվականի մարտին բողոքի ակցիաների և միջազգային ճնշման պատճառով։ Ինչպես նշել է կուսակցության գործադիր քարտուղար Մամուկա Մդինարաձեն, նույնիսկ ավելի մեծ բողոքի դեպքում, քան նախորդ տարի էր, օրինագիծը հետ չի կանչվի։
