Վրաստանի տասը մունիցիպալիտետներում այսօր՝ ապրիլի 29-ին, տեղի են ունենում խորհրդարանի և մունիցիպալիտետների սակրեբուլոների միջանկյալ, ինչպես նաև քաղաքապետերի արտահերթ ընտրություններ։ Ընտրողները ընտրում են Փոթի-Սենակի-Խոբիի մեծամասնական պատգամավորին, Գուրջաանիի, Թիանեթիի, Ախալցիխեի, Տղիբուլիի, Քութայիսիի սակրեբուլոների մեծամասնական պատգամավորներին, ինչպես նաև Ցագերիի և Թերջոլայի քաղաքապետերին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Քվեարկությունն ընթանում է ընդհանուր 165 ընտրատեղամասերում, որտեղ գրանցված է 185 056 ընտրող։
Փոթիի, Սենակիի և Խոբիի ընտրատարածքներում մեծամասնական պատգամավորի երկու թեկնածու կա՝ Գիորգի Խախուբիան («Վրացական երազանք») և Բեսիկ Ծուլեիսկիրին («Ազատ Վրաստան»)։ Միջանկյալ ընտրությունների անցկացումն անհրաժեշտ է դարձել այն բանից հետո, երբ 2022 թվականի հոկտեմբերին մահացել է Փոթիի, Սենակի և Խոբիի մեծամասնական պատգամավոր Իրակլի Խախուբիան։ Պատգամավորն ինքնասպան է եղել: Գիորգի Խախուբիան նրա որդին է։
Ցագերիի և Թերջոլայի քաղաքապետերի արտահերթ ընտրություններին մասնակցում են մեկական թեկնածու: Իշխող «Վրացական երազանք» կուսակցությունը Ցագերիի քաղաքապետի թեկնածու է առաջադրել Լևան Զալկալիանիին, իսկ Թերջոլայի քաղաքապետի թեկնածու՝ Մանուչար Ռոբաքիձեին։ 2021 թվականի հոկտեմբերի 2-ին տեղական ինքնակառավարման մարմինների ընտրությունների արդյունքում Ցագերիի քաղաքապետ է ընտրվել «Վրացական երազանքից» Գիորգի Նեմսաձեն, թեև մեկ տարվա ընթացքում հրաժարական է տվել։ Թերջոլայի քաղաքապետի արտահերթ ընտրությունները նշանակվել են քաղաքապետ Լաշա Գոգիաշվիլիի մահվան պատճառով։
Գուրջաանիի, Թիանեթիի, Ախալցիխեի և Քութայիսիի քաղաքային խորհուրդների արտահերթ ընտրություններում թեկնածուներ է ներկայացրել միայն «Վրացական երազանքը», իսկ Տղիբուլիում իշխող կուսակցության ներկայացուցչի հետ մրցում է նախաձեռնող խմբի մեկ թեկնածու։
Կենտրոնական ընտրական հանձնաժողովի տվյալներով՝ սա առաջին ընտրություններն են, որտեղ լայնածավալ կիրառվում են էլեկտրոնային տեխնոլոգիաներ։ Ընտրողների ստուգման, քվեարկության և հաշվիչ մեքենաների միջոցով քվեարկությունն անցկացվում է 117 ընտրատեղամասում։ Նման տեղամասերում քվեաթերթիկները տարբերվում են. ընտրողը չպետք է շրջանակի մեջ առնի ցանկալի թեկնածուի համարը, այլ պետք է ներկի թեկնածուի դիմացի շրջանակը։ Մնացած 48 ընտրատեղամասերում քվեարկությունն անցկացվում է մինչ այժմ գործող կանոններով։
