Ներքին գործերի փոխնախարար Ալեքսանդր Դարախվելիձեն չի հաստատում հատուկ ջոկատայինների կողմից «Միացյալ ազգային շարժման» նախագահ Լևան Խաբեիշվիլիին ծեծի ենթարկելու փաստը։ Դարախվելիձեն այսօրվա ճեպազրույցում հայտարարել է, որ Խաբեիշվիլին ինքն է ներխուժել ոստիկանական շղթա ու դիմադրություն ցույց տվել ոստիկաններին, ինչի ժամանակ վիրավորվել է։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Հասարակությունը լավ տեսավ, և տարբեր ալիքների ուղիղ եթերում պարզ երևում էր, որ ոչ միայն հանրահավաքի մասնակիցները, այլև ընդդիմադիր կուսակցությունների ղեկավարներն անընդհատ բռնի գործողություններ էին կատարում։ «Ազգային շարժման» նախագահ Լևան Խաբեիշվիլիի գործողությունը, երբ ոստիկանների գործունեությունը խոչընդոտելու նպատակով ներխուժել է ոստիկանական շղթա, դիմադրել է նրանց, որի ժամանակ նա վիրավորվել է։ Լևան Խաբեիշվիլիին անմիջապես տեղափոխել են բուժհաստատություն։ Դրա հետ կապված համապատասխան ծառայությունները կապահովեն անհրաժեշտ քննչական գործողությունների իրականացումը»,- ասել է Ալեքսանդր Դարախվելիձեն։
«Միացյալ ազգային շարժման» նախագահ և խորհրդարանի պատգամավոր Լևան Խաբեիշվիլին ռուսական օրենքի դեմ բողոքի ակցիայի ժամանակ ֆիզիկական բռնության է ենթարկվել։ Քաղաքական գործչի խոսքով՝ իր նկատմամբ նպատակաուղղված պատժիչ միջոցը իրականացրել է Հատուկ նշանակության խնդիրների վարչության տնօրեն Զվիադ Խարազիշվիլին՝ նույն «Խարեբան»։ Լևան Խաբեիշվիլին տեղավորվել է Ինգորողվայի կլինիկայում։ Նրա քթի ոսկորներն ու ատամները կոտրված են, աչքը վնասված է։
«Ականատեսներ կան, թե ինչպես է տեղի ունեցել Լևան Խաբեիշվիլիի առևանգումը։ Նա փորձել է օգնել հատուկ ջոկատայինների գործողություններից տուժած երիտասարդներից մեկին։ Այդ ժամանակ հատուկ ջոկատայինները հարձակվել են, առևանգել և օրինակելի կերպով պատժել նրան։ Նախորդ ցույցերի ժամանակ Խաբեիշվիլիին խմբով հայհոյել են, հիմա նրան առևանգել են և օրինակելի պատժել։ Մեր տեղեկություններով, ծեծել են, նստեցրել պարեկային ոստիկանության մեքենան, բերել [կլինիկա], թողել ու հեռացել։ Մենք չգիտենք, թե որ անձնակազմն է Լևանին բերել, կամ ով է նրանց հանձնել Լևանին»,- ասել է «Ազգային շարժման» անդամ Լևան Բեժաշվիլին, ով պահանջում է միջադեպի համար պատասխանատվության ենթարկել ՆԳ նախարարին և հետաքննություն սկսել Զվիադ Խարազիշվիլիի դեմ։
Ներքին գործերի նախարարությունը ռուսական օրենքի դեմ ընթացող ցույցի ժամանակ ձերբակալել է 63 մարդու։ Նախարարությունը խաղաղ ցույցը ցրելու համար օգտագործել է պղպեղի սփրեյ, ջրցան մեքենաներ և արցունքաբեր գազ, որի հետևանքով տասնյակ մարդիկ վիրավորվել են։ Կադրերից երևում է, որ ՆԳՆ ներկայացուցիչները առանց պատճառի հարձակվել են քաղաքացիների վրա ու ծեծի ենթարկել նրանց։
