«Սրանք խայտառակ շահարկումներ են»,- այսպես է պատասխանել Վրաստանի վարչապետ Իրակլի Կոբախիձեն լրագրողների հարցին, թե արդյոք անհարմարություն չի ստեղծում Իրանի նախագահի երդմնակալությանը մասնակցելը, որտեղ ներկա են եղել նաև ահաբեկչական կազմակերպությունների ղեկավարները։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Կոբախիձեի խոսքով՝ Իրանի նախագահի երդմնակալության արարողությանը տարածաշրջանը ներկայացված է եղել ամենաբարձր մակարդակով։
«Ես ներկա էի Իրանի նախագահի երդմնակալության արարողությանը։ Իրանը շատ կարևոր պետություն է տարածաշրջանում։ Այս նկատառումով այս երդմնակալությանը մասնակցել են տարածաշրջանի գրեթե բոլոր նահանգները։ Այս երդմնակալությանը ներկա էր Ժոզեֆ Բորելի անձնական ներկայացուցիչը, ՄԱԿ-ի գլխավոր քարտուղարի անձնական ներկայացուցիչը, այսինքն՝ այնտեղ կազմը ներկայացուցչական էր։
Ինչ վերաբերում է բուն տարածաշրջանին, ապա տարածաշրջանը ներկայացված էր ամենաբարձր մակարդակով։ Այնտեղ էին այդ թվում՝ Ադրբեջանի և Հայաստանի վարչապետները։ Տարածաշրջանը ներկայացված էր սկզբից մինչև վերջ»,- ասել է Կոբախիձեն։
Հուլիսի 30-ին Իրակլի Կոբախիձեն մասնակցել է Իրանի նորընտիր նախագահ Մասուդ Փեզեշքիանիի երդմնակալությանը, որը տեղի է ունեցել Թեհրանում, Իրանի Իսլամական Հանրապետության Մեջլիսում։
Reuters-ի փոխանցմամբ՝ Մասուդ Փեզեշքիանին երդվել է «մահ Ամերիկային» և «մահ Իսրայելին» վանկարկումների ներքո։ Երդմնակալության արարողությանը մասնակցել են Իրանի պաղեստինյան դաշնակից ՀԱՄԱՍ-ի և Իսլամական ջիհադի ղեկավարները, ինչպես նաև Թեհրանի կողմից աջակցվող Եմենի Հութի շարժման և Լիբանանի Հեզբոլլահի բարձրաստիճան ներկայացուցիչները։
Փեզեշքիանին նախագահ է ընտրվել հուլիսի սկզբին այն բանից հետո, երբ նրա նախորդը՝ Էբրահիմ Ռաիսին զոհվել է մայիսի 19-ին ուղղաթիռի վթարի հետևանքով։ Իրակլի Կոբախիձեն ԱԳ նախարար Իլիա Դարչիաշվիլիի հետ մայիսի 22-ին այցելել է Իրան և մասնակցել Ռաիսիի հուղարկավորությանը։
Այս թեմայով՝
