“Biz Rusya hava əlaqəsinə qoyulan qadağanı qaldırdıqdan sonra Gürcüstanın Rusiyaya və Rusiyadan uçuşların bərpası ilə bağlı qərarından təəssüflənirik”, - Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi/Avropa Komissiyasının vitse-prezidenti Cozef Borellinin sözçüsü Piter Stano deyib.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Parlamentə təqdim edilən qanun layihəsi Gürcüstanı Avropa yolundan yayındıracaq - ABŞ rus qanunu haqda
- 6 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
Avropa İttifaqı bildirir ki, Gürcüstan hökumətinin bu qərarı ölkənin Avropa yolu və Gürcüstanın Assosiasiya Sazişi üzrə öhdəliklərini yerinə yetirməsi baxımından narahatlıq doğurur ki, bu da xarici siyasətdə Avropa İttifaqının qərarlarına uyğunluğu nəzərdə tutur.
“Təəssüf ki, Gürcüstanın Aİ-nin xarici və təhlükəsizlik siyasəti qərarlarına və bəyannamələrinə uyğunluğu keçən il onsuz da aşağı olan 44%-dən bu il 31%-ə qədər azalıb. Buna görə də bu, bizi həqiqətən narahat edir və olduqca təəsüfvericidir”, - Peter Stano bildirib.
Avropa İttifaqının nümayəndəsi bu gün təkrar edib ki, Ukraynadakı müharibə ilə əlaqədar Avropa İttifaqı və bir sıra ölkələr Rusiyanın aviasiya sektoruna qarşı sanksiyalar tətbiq edib - Rusiyadan və Rusiyaya uçuşlar qadağandır.
Rusiya prezidenti Vladimir Putinin 10 may 2023-cü il tarixli qərarına əsasən, 2019-cu ildə rus aviaşirkətləri üçün Rusiyadan Gürcüstana uçuşlar həyata keçirməyə qoyulan qadağa ləğv edilib. Bundan əlavə, Putin viza rejimini ləğv edib və mayın 15-dən Gürcüstan vətəndaşları Rusiya ərazisinə 90 günədək müddətə vizasız daxil ola bilərlər.
Moskvadan Tbilisiyə ilk birbaşa reys mayın 19-na planlaşdırılıb və onu Rusiyanın “Azimut” (Azimuth Airlines) aviaşirkəti həyata keçirəcək. Gürcüstanın Mülki Aviasiya Agentliyi sözügedən şirkətin həftədə 7 dəfə uçuşuna icazə verib. Mayın 20-dən Gürcüstanın “Gürcüsyan Hava Yolları” (Georgian Airways) şirkəti Tbilisi-Moskva-Tbilisi istiqamətində müntəzəm, gündəlik uçuşlar həyata keçirəcək.
Gürcüstanın baş naziri İrakli Ğaribaşvili Putinin vizasız gediş-gəliş və birbaşa uçuşlara başlamaq qərarını alqışlayıb. Onun sözlərinə görə, Gürcüstanın Rusiya ilə ticarət əlaqələri var və sanksiyaya məruz qalmayan təyyarələr ilə uçuşlar ticari-iqtisadi əlaqələrin tərkib hissəsidir.
Putinin qərarını növbəti təxribat hesab edən prezident Salome Zurabişvili Ğaribaşvilidən fərqli fikirdədir. O, həmçinin hökuməti Rusiyaya viza rejimi tətbiq etməyə çağırıb.
Bu mövzu haqqında:
ABŞ Gürcüstanın hava limanı şirkətlərinə sanksiyalar riski ilə bağlı xəbərdarlıq edir