გაერთიანებულმა სამეფომ ფინანსური სანქციები დაუწესა თბილისის სააპელაციო სასამართლოს თავმჯდომარე მიხეილ ჩინჩალაძესა და იუსტიციის უმაღლესი საბჭოს წევრს, თბილისის სააპელაციო სასამართლოს უვადო მოსამართლე ლევან მურუსიძეს, როგორც „სერიოზულ კორუფციაში ჩართულ პირებს“.
ახალი ამბები
მკითხველის რჩეული
- 1 კობახიძე მაღაროელების პროტესტზე: რთულია კერძო ბიზნესს ხელფასების გადახდა მოსთხოვო
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 პროკურორი ბაჩიაშვილის ქვეყნიდან წასვლაზე: „აუცილებლად დაიწყება გამოძიება“
- 4 რატომ შეხვდა აშშ-ის ელჩი „ქართული ოცნების“ საგარეო საქმეთა მინისტრს
- 5 კობახიძე: აქედანვე შემიძლია გითხრათ, რომ თვითმმართველობის არჩევნებს მოვიგებთ
- 6 საიამ არჩევნებზე ფარულობის მასობრივ დარღვევაზე სტრასბურგის სასამართლოს მიმართა
ფინანსური სანქციების აღსრულების ოფისის დოკუმენტში ნათქვამია, რომ ლევან მურუსიძემ და მიხეილ ჩინჩალაძემ მიიღეს ფინანსური სარგებელი, როგორც ჯილდო, საკუთარი საჯარო ფუნქციების არაჯეროვანი შესრულებისთვის, კერძოდ, მათ არასათანადოდ გამოიყენეს საკუთარი გავლენა იმის უზრუნველსაყოფად, რომ მოსამართლეთა დანიშვნები და მათი გადაწყვეტილებები პარტია „ქართული ოცნებისთვის“ სასარგებლო იქნება. დოკუმენტის მიხედვით, მურუსიძისა და ჩინჩალაძის თანამდებობებზე დანიშვნაც მათ მიერ მიღებული სარგებელია იმ განზარხვით, განაგრძობენ თავიანთი ფუნქციების არაჯეროვან შესრულებას.
ფინანსური სანქციების დაწესება გულისხმობს დიდ ბრიტანეთში ანგარიშების, ფულადი სახსრებისა და ეკონომიკური რესურსების გაყინვას, ასევე, სანქცირებული პირებისთვის ან მათ სასარგებლოდ ფულადი სახსრების ან ეკონომიკურ რესურსების პირდაპირ ან ირიბად მიწოდებას. გაერთიანებული სამეფოს ფინანსური სანქციების კანონმდებლობის შეუსრულებლობა ან მისი დებულებების გვერდის ავლა შესაძლოა სისხლის სამართლის დანაშაული იყოს.
მურუსიძე დასანქცირებას ტელეკომპანია „ფორმულასთან“ გამოეხმაურა. როგორც მან განაცხადა, ამ გადაწყვეტილებას კორუფციასთან კავშირი არ აქვს:
„რაშიც დასჭირდათ რუმინეთში სასამართლო, რომ არჩევნები გაეუქმებინათ, ასევე სჭირდებათ, რომ საქართველოში ამ ძალების მიერ გაკონტროლებული იყოს სასამართლო სისტემა, რომ მიიღონ ის გადაწყვეტილებები, რაც მათ გლობალურ პოლიტიკას დასჭირდება.
აქ არაფერი კავშირი არ აქვს კორუფციასთან, ბუნებრივია. აი, რა კორუფცია? რომ საქართველოში 30 წლის განმავლობაში, თურმე, დიდი ბრიტანეთი იმდენად შეწუხდა ლევან მურუსიძის კორუფციით... რომ რა კორუფცია? საქართველოში ჩემზე მდიდარი ხალხი არ დადის?
მოულოდნელი ჩემთვის არ არის. არაფერი კავშირი ამას კორუფციასთან არ აქვს. აქ არის საუბარი იმაზე, რომ მოხდეს სასამართლო სისტემის დამორჩილება, გადაწყვეტილებები იქნეს მიღებული, როგორიც არის საჭირო იმ პოლიტიკური მიზნებისთვის, რაც გარე ქვეყნებს აქვთ, სურვილი, რომ საქართველოში განახორციელონ.
ერთადერთი რაც მე მაქვს სახელფასო ბარათია, დანარჩენი, რა ვქნათ, რაღაცა იქნება. ხელფასს ხომ ვერ დამიკავებენ, ბოლო ბოლო?!
საუბარია იმაზე, რომ აი, ხომ ხედავთ, ჩვენ ურჩ მოსამართლეებს, რომლებიც ჩვენ არ გვემორჩილება და არ არის იმ კალაპოტში, რომელიც ჩვენ გვინდა, ხომ, აი, რას ვუკეთებთ. აი, ასე გაგიკეთებთ ყველა მოსამართლეს, რომელიც კანონიერ გადაწყვეტილებას კი არ მიიღებთ, რომელიც არ დაემორჩილებით ჩვენს დირექტივას.
ჩემთვის ახლა ამას ფინანსურად, სიმართლე გითხრათ, დიდი ის არ ექნება, უბრალოდ, ზოგადად, რეპუტაციულად და რაღაც, რა თქმა უნდა, სასიამოვნო არ არის, ნუ, დიდი ბრიტანეთია ხომ, მაინც“.
ორი წლის წინ, 2023 წლის აპრილში, მიხეილ ჩინჩალაძე და ლევან მურუსიძე ამერიკის შეერთებული შტატების სახელმწიფო დეპარტამენტმაც დაანსაქცირა „მნიშვნელოვან კორუფციულ საქმიანობაში ჩართულობის გამო“, ბოლო თვეებში კი მათ სანქციები უკრაინამ და ლიეტუვამ დაუწესა.
ამ თემაზე:
სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
