ევროკავშირის საგარეო ქმედებათა სამსახურმა (EEAS) მსოფლიოში ადამიანის უფლებების და დემოკრატიის მდგომარეობის შესახებ ყოველწლიური ანგარიში გამოაქვეყნა. ანგარიში 2022 წელს საქართველოს პროგრესსა და გამოწვევებსაც აფასებს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
დოკუმენტში ნათქვამია, რომ საქართველოს აქვს ადამიანის უფლებათა მყარი სისტემა, რომელიც საერთაშორისო და ევროპულ სტანდარტებთან თანხვედრაშია და შესაბამის კანონმდებლობას ეფუძნება.
„2022 წელს მიღწეული იქნა პროგრესი საარჩევნო სისტემის და საჯარო მმართველობის რეფორმების, გენდერული თანასწორობის, ბავშვის უფლებებისა და შეზღუდული შესაძლებლობის მქონე პირთა უფლებების კუთხით. ჯერ კიდევ საჭიროა შემდგომი ძალისხმევა სასამართლო რეფორმების, კორუფციასთან ბრძოლის, სახელმწიფო ინსტიტუტების დამოუკიდებლობის გაძლიერების სფეროში“, - ვკითხულობთ ანგარიშში.
ევროკავშირის შეფასებით, კვლავ შემაშფოთებელია მდგომარეობა ადამიანის უფლებათა დაცვის კუთხით საქართველოს თვითგამოცხადებულ რეგიონებში - აფხაზეთსა და სამხრეთ ოსეთში.
ევროკავშირის საქმიანობის მიმოხილვის ნაწილში ნათქვამია, რომ „2022 წელს ევროკავშირმა ყურადღება გაამახვილა სასამართლო სისტემის დამოუკიდებლობისა და ანგარიშვალდებულების გაძლიერებაზე, უთანასწორობის შემცირებაზე, დისკრიმინაციის წინააღმდეგ ბრძოლის მხარდაჭერასა და სამოქალაქო საზოგადოების გაძლიერებაზე, რათა მან თავისი სამოქალაქო უფლებების წინ წამოწევა და დაცვა შეძლოს“. ასევე, ევროკავშირი ხელს უწყობდა ბავშვთა და შშმ პირთა უფლებების განხორციელებას, გენდერული თანასწორობის წინ წამოწევას, გენდერული და ოჯახური ძალადობის წინააღმდეგ ბრძოლას, ლგბტქ+ თემის უფლებების დაცვას.
ყოველწლიური ანგარიში საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ჯოზეფ ბორელის ანგარიშს წარმოადგენს. იგი მიმოიხილავს ადამიანის უფლებებისა და დემოკრატიის დაცვის მიმართულებით ევროკავშირის საქმიანობას მთელი მსოფლიოს მასშტაბით.
