თბილისის საქალაქო სასამართლოს მოსამართლე არსენ კალატოზიშვილმა დააკმაყოფილა პროკურატურის შუამდგომლობა და კოალიცია „ძლიერი საქართველოს“ ერთ-ერთ ლიდერს, მამუკა ხაზარაძეს „ქართული ოცნების“ დროებით საგამოძიებო კომისიაში გამოუცხადებლობის გამო, აღკვეთის ღონისძიების სახით 50 000-ლარიანი გირაო შეუფარდა.
ახალი ამბები
მკითხველის რჩეული
- 1 კობახიძე მაღაროელების პროტესტზე: რთულია კერძო ბიზნესს ხელფასების გადახდა მოსთხოვო
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 პროკურორი ბაჩიაშვილის ქვეყნიდან წასვლაზე: „აუცილებლად დაიწყება გამოძიება“
- 4 რატომ შეხვდა აშშ-ის ელჩი „ქართული ოცნების“ საგარეო საქმეთა მინისტრს
- 5 კობახიძე: აქედანვე შემიძლია გითხრათ, რომ თვითმმართველობის არჩევნებს მოვიგებთ
- 6 საიამ არჩევნებზე ფარულობის მასობრივ დარღვევაზე სტრასბურგის სასამართლოს მიმართა
პროცესის დასრულების შემდეგ ხაზარაძემ კიდევ ერთხელ თქვა, რომ კომისიის სხდომაზე გამოუცხადებლობა მისი შეგნებული გადაწყვეტილება იყო.
„არ ვაღიარებ არალეგიტიმურ პარლამენტს, ისევე როგორც მის მიერ შექმნილ კომისიას. ეს არის ჩემი ურყევი პროტესტი და ვერანაირი გადაწყვეტილება მე არ რწმენას ვერ შემაცვლევინებს“, - განაცხადა ხაზარაძემ.
მისივე თქმით, ბოლო 5 წლის განმავლობაში, მას შემდეგ, რაც პოლიტიკაში შემოვიდა, „ქართული ოცნება“ სხვადასხვა მოგონილი საქმეებით ცდილობს მის დისკრედიტაციას.
„მიუხედავად იმისა, რომ ბიზნესში ჩემი მოღვაწეობის 30 წლის განმავლობაში არცერთი საქმე არ ყოფილა ჩემს წინააღმდეგ, ან საჩივარი, ან რაიმე გარჩევა, მიუხედავად იმისა, რომ 14-15 წლის წინანდელ რაღაც აბსურდულ ზღაპრებს ჰყვებიან, მზად ვარ ამ სასამართლოში გავცე კვალიფიციური პასუხი, თუ მსგავსი რამ არსებობს“, - აღნიშნა მამუკა ხაზარაძემ.
პროკურატურამ ხაზარაძეს ბრალი 1-ელ აპრილს, სისხის სამართლის კოდექსის 349-ე მუხლით წარუდგინა, რაც პარლამენტის დროებითი საგამოძიებო კომისიის კანონიერი მოთხოვნის შეუსრულებლობას გულისხმობს და ისჯება ჯარიმით ან ერთ წლამდე თავისუფლების აღკვეთით. ბრალდების მხარის მტკიცებით, მამუკა ხაზარაძე კომისიის სხდომაზე არასაპატიო მიზეზით არ გამოცხადდა.
„თიბისი ბანკის“ დამფუძნებელმა, მამუკა ხაზარაძემ უარი თქვა „ქართული ოცნების“ პარლამენტში შექმნილი წინა ხელისუფლების საქმიანობის შემსწავლელი დროებითი საგამოძიებო კომისიის სხდომაში მონაწილეობაზე.
კომისიამ, რომელსაც თეა წულუკიანი ხელმძღვანელობს, ხაზარაძე 24 მარტის სხდომაზე დაიბარა, სადაც ბიზნესზე ზეწოლის ერთ-ერთი საქმე განიხილეს. გარდა იმისა, რომ პარლამენტის ლეგიტიმურობას არ აღიარებს, მამუკა ხაზარაძე ამბობს, რომ მას არანაირი კავშირი არ აქვს შპს „მაგნატის“ საქმესთან.
კომისიასთან თანამშრომლობაზე უარი თქვა „ძლიერი საქართველოს“ კიდევ ერთმა ლიდერმა, ბადრი ჯაფარიძემ. მისი საქმეც კომისიას პროკურატურისთვის აქვს გადაცემული და სავარაუდოდ, ბრალს უახლოეს დღეებში წარუდგენენ.
