უკრაინის პრეზიდენტმა, ვოლოდიმირ ზელენსკიმ ფრანგულ გაზეთ Le Parisien-თან განაცხადა, რომ უკრაინის ჯარს ყირიმისა და დონბასის საკუთარი ძალებით დაბრუნება არ შეუძლია.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 გახარია კალანდარიშვილზე: ვიღაც ერთ ხმების მომპარავ თაღლითს საღებავი შეასხეს
- 4 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 გორელმა ბიზნესმენმა სტალინის ფენომენის პოპულარიზაციისთვის ფონდი დააფუძნა
ზელენსკიმ უპასუხა გაზეთის მკითხველის შეკითხვას, ომის დასასრულებლად რა კომპრომისისთვის იქნებოდა მზად და მზად არის თუ არა, დათმოს ყირიმი ან დონბასი, დროებით მაინც.
„ჩვენ არ შეგვიძლია ჩვენი ტერიტორიების დათმობა. უკრაინის კონსტიტუცია გვიკრძალავს ამის გაკეთებას. დე ფაქტო ამ ტერიტორიებს ახლა რუსები აკონტროლებენ. მათი დაბრუნების ძალა არ გვაქვს. ჩვენ შეგვიძლია მხოლოდ საერთაშორისო თანამეგობრობის დიპლომატიური ზეწოლის იმედი გვქონდეს, რათა პუტინი მოლაპარაკების მაგიდასთან დაჯდეს.
მიკვირს, რატომ არის მასთან ფრთხილი დასავლეთი, რომელიც მხარს გვიჭერს? რატომ არ ვიყავითმასიურად აღჭურვილი იარაღით ომის დაწყების შემდეგ? შეიძლება თავხედი მოგეჩვენოთ, მაგრამ ისეთიშთაბეჭდილება მრჩება, რომ ყველას ეშინია პუტინის რუსეთის. ის დაუსჯელობით სარგებლობს. ჩვენგვჭირდება ძლიერი ამერიკა და ევროპა, რათა მოხდეს ზეწოლა პუტინზე და შეჩერდეს ეს ომი“, - დასძინა უკრაინის პრეზიდენტმა.
კითხვას მზად არის თუ არა რუსეთის პრეზიდენტთან მოლაპარაკებების მაგიდასთან დაჯდეს, ზელენსკიმ უპასუხა:
„მთავარი ის არ არის, ვინ ზის მოპირდაპირე მხარეს. მნიშვნელოვანია პოზიცია, საიდანაც მოლაპარაკებას აწარმოებ. არ მგონია, რომ სუსტ მდგომარეობაში ვართ, მაგრამ ამას ძლიერსაც ვერ ვუწოდებთ. ვიქნებით ნატოს ნაწილი? არ ვიცით. ვიქნებით თუ არა ევროკავშირის ნაწილი? დიახ, მომავალში, მაგრამ როდის? ამ პირობებში პუტინთან მაგიდასთან დაჯდომა ნიშნავს მისთვის უფლების მიცემას, გადაწყვეტილება ჩვენს ნაცვლად მიიღოს“.
ვოლოდიმირ ზელენსკიმ ხაზგასმით აღნიშნა, რომ მსოფლიოს არცერთ ლიდერს არ აქვს უფლება, პუტინთან მოლაპარაკება უკრაინის გარეშე აწარმოოს.
„ჩვენ ეს მანდატი არასოდეს არავისთვის გადაგვიცია. ჩვენ მსხვერპლი ვართ. უსამართლობა იქნება, თუ ყველა ჩვენს ნაცვლად გადაწყვეტს, როგორ უნდა იცხოვროს ქვეყანამ. ფრანგებმა საფრანგეთში, იტალიელებმა იტალიაში ან ამერიკელებმა აშშ-ში იციან რა უნდათ საკუთარი თავისთვის. ასე არიან უკრაინელებიც“, - აღნიშნა უკრანის პრეზიდენტმა.
რუსეთმა უკრაინაში სრულმასშტაბიანი შეჭრა თითქმის სამი წლის წინ, 2022 წლის 24 თებერვალს განახორციელა და ომი დაიწყო.
