«Արևմտյան շատ երկրներ, ներառյալ ԱՄՆ-ը, արգելում են ռուսական ինքնաթիռների մուտքն իրենց օդային տարածք։ Եթե Ռուսաստանի և Վրաստանի միջև ուղիղ չվերթերը վերականգնվեն, մենք, իհարկե, անհանգստացած կլինենք, որ վրացական օդանավակայանների ընկերությունները կարող են պատժամիջոցների ռիսկի տակ հայտնվել, եթե նրանք սպասարկեն ներմուծման և արտահանման վերահսկողության տակ գտնվող օդանավերը», - այսպես է արձագանքել է ԱՄՆ Պետդեպարտամենտը Ռուսաստանի և Վրաստանի միջև ուղիղ օդային հաղորդակցություն վերականգման հարցը:
Լրահոս
Ընթերցողի ընտրանի
- 1 Եվրոպական խորհրդարանը 490 ձայնով ընդունել է Վրաստանի վերաբերյալ ևս մեկ քննադատական բանաձև
- 2 8 եվրոպական առաջարկություն, որոնց չկատարումը կարող է հանգեցնել վիզայի ազատականացման կասեցմանը
- 3 Հայաստանում պետական հեղաշրջման գործով ձերբակալվել է Վահագն Չախալյանը
- 4 Գախարիայի կուսակցությունը և «Լելոն» ստորագրել են հուշագիր ընտրությունների վերաբերյալ
- 5 Եվրահանձնաժողովը նամակ է պատրաստում Վրաստանի համար վիզայի ազատականացումը կասեցնելու վերաբերյալ․ Յոզվյակ
- 6 FTM. «Իմեդի»-ի սեփականատեր Իրակլի Ռուխաձեի չորս բիզնեսները գրանցված են Նիդերլանդներում
Պետքարտուղարության փոխխոսնակ Վեդանտ Պատելը նշել է, որ այժմ, երբ արևմտյան հասարակությունն ամբողջությամբ հեռացել է ռուսական ռեժիմից, ժամանակը չէ, որ որևէ երկիր խորացնի իր հարաբերությունները Ռուսաստանի հետ:
«Վրաստանի ժողովուրդը, հավանաբար, կնախընտրեր, որ նախագահ Պուտինը դուրս բերեր ռուսական զորքերը Ռուսաստանի կողմից օկուպացված վրացական տարածքի 20%-ից, այլ ոչ թե տեսնի ուղիղ չվերթների վերականգնում կամ վիզային ռեժիմի փոփոխություն», - ասել է Պատելը։
Լրատվամիջոցների այն հարցին, թե արդյոք դա նշանակում է, որ Պետդեպարտամենտը կոչ է անում Վրաստանին միանալ Ռուսաստանի դեմ պատժամիջոցներին, Վեդանտ Պատելը պատասխանել է. «Եվս մեկ անգամ՝ շատ անհանգստացնող կլինի վրացական օդանավակայանների ընկերությունների համար, եթե վերսկսվեն թռիչքները Վրաստանի և Ռուսաստանի միջև»։
Մայիսի 10-ին Ռուսաստանի նախագահ Վլադիմիր Պուտինը չեղարկել է Ռուսաստանի և Վրաստանի միջև ուղիղ չվերթները արգելելու մասին 2019 թվականի հունիսի 21-ին ընդունած որոշումը։ Բացի այդ, Վրաստանի քաղաքացիների համար սահմանվել է առանց վիզայի ռեժիմ։
Վրաստանի կառավարությունը ողջունում է Պուտինի որոշումը, քանի որ կարծում է, որ այն առաջին հերթին օգուտ կբերի Վրաստանի քաղաքացիներին։ «Մարդասիրական տեսանկյունից դա շատ դրական և ողջունելի որոշում է։ Ամեն ինչ և ցանկացած որոշում, որը կհեշտացնի մեր քաղաքացիների կյանքը, տեղաշարժը, բիզնեսով զբաղվելը, անշուշտ, դրական է և ողջունելի»,- ասել է Վրաստանի վարչապետը։ Բացի այդ, Իրակլի Ղարիբաշվիլին նշել է, որ Ռուսաստանի և Վրաստանի միջև թռիչքները կիրականացվեն միայն պատժամիջոցների չենթարկված ավիաընկերությունների և ինքնաթիռների միջոցով։
Վրաստանի նախագահ Սալոմե Զուրաբիշվիլին Պուտինի որոշումը հերթական սադրանք է որակել և ասել, որ քանի դեռ Ռուսաստանը ագրեսոր է ողջ աշխարհի համար և վրացական տարածքների օկուպանտն է, նման ժեստը ժամանակավրեպ և անընդունելի է։ Զուրաբիշվիլին կոչ է արել կառավարությանը եռամսյա վիզային ռեժիմ սահմանել Ռուսաստանի քաղաքացիների համար։
Այս թեմայով՝
ԵՄ-ն Վրաստանին կոչ է անում միանալ ավիացիայի ոլորտում Ռուսաստանի դեմ սահմանված պատժամիջոցներին
