Քարաթափման պատճառով Ռիկոթիում արգելվել է երթևեկությունը

«Նշված ժամանակահատվածում, մինչև ավտոճանապարհի մաքրման աշխատանքները կիրականացվի, թեթև տրանսպորտային միջոցների երթևեկությունը տեղի կունենա միջպետական նշանակության Գոմի-Սաչխերե-Ճիաթուրա-Զեստափոնի ավտոճանապարհով, իսկ կցորդով և կիսակցորդով ավտոտրանսպորտային միջոցների երթևեկությունն արգելված է»,- հայտնել են ճանապարհային դեպարտամենտից։

Մաքրման աշխատանքների ավարտից հետո Ռիկոթիի ուղղությամբ երթևեկությունը կվերականգնվի մինչ այս սահմանված հատուկ ռեժիմով։

Ռիկոթիի լեռնանցքը փակվել է մարտի 30-ին՝ 149-րդ կիլոմետրին վտանգավոր սողանքների զարգացման պատճառով։ Երթևեկությունը վերականգնվել է ապրիլի 8-ից՝ հատուկ ռեժիմով։ Ճանապարհների վարչության որոշմամբ ժամը 07:00-ից 19:00-ն թույլատրվել է միայն թեթև և ուղևորատար ավտոմեքենաների, իսկ 21:00-06:00-ն ընկած ժամանակահատվածում բեռնատարների երթևեկությունը:

Մարտի 19-ին Թբիլիսի-Սենակի-Լեսելիձե ավտոճանապարհի 161-րդ կիլոմետրին (Վերտղվիճալա գյուղի մոտ) սողանք է տեղի ունեցել և փակվել է ավտոճանապարհը։ Մարտի 13-ին Ուբիսա-Շորապանի հատվածում՝ 10-րդ կիլոմետրում տեղի է ունեցել սողանք, որը վնասել է կառուցվող թունելի մի հատվածը։

Այս թեմայով՝

Նման ճանապարհի կառուցման համար սա ամբողջական ուսումնասիրություն չէ. Գոդոլաձեն Ռիկոթիի նախագծի մասին