Եվրամիությունից արձագանքել են ռուսական օրենքի դեմ բողոքի ակցիաներին և խաղաղ ցուցարարների նկատմամբ ճնշումներին։ ԵՄ արտաքին քաղաքականության և անվտանգության գերագույն ներկայացուցիչ Ջոզեֆ Բորելը կոչ է անում Վրաստանի իշխանություններին պաշտպանել խաղաղ հավաքների իրավունքը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
«Ես կտրականապես դատապարտում եմ բռնությունը Վրաստանում ցուցարարների նկատմամբ, որոնք խաղաղ ցույց էին անում արտաքին ազդեցության օրենքի դեմ։ Վրաստանը Եվրամիության թեկնածու երկիր է, ես կոչ եմ անում նրա կառավարությանը ապահովել խաղաղ հավաքների իրավունքը։ Այն ճնշելու համար ուժի կիրառումն անընդունելի է»,- ասում է Ջոզեֆ Բորելը։
«Մեզ համար ցնցող է տեսնել, թե ինչպես են վրացիներին զրկում ազատությունից նրանք, ովքեր իրենք ամենից շատ վախենում են ազատությունից, բայց մենք գիտենք, որ վրացիները, ինչպես լիտվացիները, հավերժ ազատ են, և ազատությունը միշտ ծաղկում է: Մենք աջակցել ենք Վրաստանի ժողովրդին իսկական անկախության առաջին ծաղիկների ի հայտ գալուց ի վեր։ Լիտվացիները ողջունեցին ձեր հաղթանակները, մենք ձեր կողքին էինք, երբ Ռուսաստանը հարձակվեց ձեզ վրա, մենք լաց եղանք ձեր կյանքի և հողի կորստի համար»,- ասում է Լիտվայի արտաքին գործերի նախարար Գաբրիելիուս Լանդսբերգիսը և արձագանքում նաև Բիձինա Իվանիշվիլիի հակաարևմտյան ուղերձներին։
«Վրաստանի ապագայի վերաբերյալ Իվանիշվիլիի տեսլականը հիասթափեցնող է։ Ես ցնցված եմ Վրաստանի մերձավոր դաշնակիցների, այդ թվում՝ Լիտվայի հետ հարաբերությունների հանկարծակի փոփոխությունից։ Կարծես ընկեր ենք կորցնում»:
Հանրահավաքը ճնշելուն արձագանքել են նաև Եվրախորհրդարանի պատգամավորները: Եվրոպական ժողովրդական կուսակցության խմբի անդամ, Լիտվայի նախկին վարչապետ Անդրիուս Կուբիլիուսը զուգահեռներ է անցկացնում Ռուսաստանի և Բելառուսի ռեժիմների հետ։ «Պուտինը, Լուկաշենկոն և Իվանիշվիլին նույն ճանապարհով են գնում՝ նախ բիրտ ուժ՝ ընդդեմ խաղաղ ցույցերի, ապա բռնապետություն հաստատելով երկրի դեմոկրատական ապագայի դեմ։ Բռնապետության ապագան միշտ նույնն է՝ պատժամիջոցներ, փլուզում և տրիբունալ»,- ասում է Կուբիլիուսը։
Եվրախորհրդարանի մեկ այլ լիտվացի պատգամավոր, պաշտպանության նախկին նախարար Ռասա Յուկնևիչիանեն հրապարակում է ցուցարարների վրա ջրցան մեքենաների հարձակման տեսանյութը և գրում.
«Դիմակները հանվել են. Իվանիշվիլին դեմ է Վրաստանի եվրոպական կուրսին, դրանով իսկ ցույց տալով իր իսկական դեմքը։ Նա երբեք [եվրոպական կուրսի] կողմնակից չի եղել։ Վրաստանի ապագայի համար որոշիչ պահը հիմա է։ Ես հավատում եմ վրացի ժողովրդին։ Նրանք կպաշտպանեն եվրոպական ճանապարհը»։
Վիոլա ֆոն Կրամոնը նշում է, որ անհրաժեշտ են «կոնկրետ արդյունքներ»։ Եվրոպական խորհրդարանի գերմանացի պատգամավորն ակնարկում է Վրաստանի համար ԵՄ թեկնածուի կարգավիճակի չեղարկումը, Վրաստանի համար նախագծերի ֆինանսավորման դադարեցումը, Բիձինա Իվանիշվիլիի նկատմամբ պատժամիջոցների սահմանումը և ռուսական օրենքին աջակցող պատգամավորների ԵՄ մուտք գործելու արգելքը։
«Վրացական երազանքը» շարունակում է քննարկել կրկին օրակարգ բերված ռուսական օրենքը, որի դեմ ապրիլի 15-ից Թբիլիսիում ամեն օր զանգվածային ցույցեր են անցկացվում։ Երեկ ՆԳՆ-ն ցրեց խաղաղ ցուցարարներին՝ ռուսական օրենքին աջակցող «Վրացական երազանքի» պատգամավորներին խորհրդարանից հանգիստ ուղեկցելու համար։
Քաղաքացիների նկատմամբ կիրառվել է պղպեղի սփրեյ, ջրցան մեքենաներ և արցունքաբեր գազ, ինչի համար, ըստ հանրային պաշտպանի, ՆԳՆ-ն որևէ հիմք չի ունեցել։ Բացի այդ, հատուկջոկատայինները բռնություն են գործադրել քաղաքացիների նկատմամբ, դաժան ծեծի են ենթարկել «Միացյալ ազգային շարժման» նախագահ, պատգամավոր Լևան Խաբեիշվիլիին։ Հանրահավաքի ժամանակ վիրավորվել են նաև լրագրողներ։
ՆԳՆ-ն մանր խուլիգանության և ոստիկանության օրինական պահանջներին չենթարկվելու պատրվակով վարչական կարգով բերման է ենթարկել 63 անձի։
