Ռուսաստանի կողմից օկուպացված Ցխինվալիի շրջանի դե ֆակտո իշխանությունները ազատ են արձակել նոյեմբերի 6-ին Կիրբալի գյուղից առևանգված Լևան Դոթիաշվիլիին։ Դոթիաշվիլին Էրգնեթիում հանձնվել է վրացի իրավապահներին։ Նա վնասվածք ունի դեմքի հատվածում։ Պետական անվտանգության ծառայության վերլուծական վարչության փոխտնօրեն Իրակլի Անթաձեն պարզաբանել է, որ Դոթիաշվիլիից ստացված տեղեկության համաձայն՝ վնասվածքը ստացել է ձերբակալության ժամանակ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Լևան Դոթիաշվիլին լրագրողներին որևէ մեկնաբանություն չի տվել և ասել է, որ կխոսի այսօր։ Նա ռուս զինվորների կողմից Թամազ Գինտուրիի սպանության ականատեսն է։
«Լևան Դոթիաշվիլիի անհապաղ և անվերապահ ազատման հարցը ակտիվորեն քննարկվել է նոյեմբերի 6-ին Գորիի մունիցիպալիտետի Էրգենտի գյուղում տեղի ունեցած տեխնիկական հանդիպմանը, որին մասնակցել են ռուսական օկուպացիոն ուժերի, օկուպացված Ցխինվալի շրջանի և ԵՄ դիտորդական առաքելության ներկայացուցիչները։ Բանակցություններում ակտիվորեն ներգրավված էին միջազգային գործընկերները։ Կենտրոնական կառավարությունը շարունակում է ակտիվորեն աշխատել Թամազ Գինտուրիի սպանության մեջ ներգրավված անձանց նկատմամբ արդարադատություն հաստատելու ուղղությամբ։ Աշխատանքներ են տարվում նաև Վրաստանի բոլոր քաղաքացիներին ազատ արձակելու ուղղությամբ, ովքեր անօրինական կերպով ձերբակալված են օկուպացված տարածքներում»,- ասվում է ՊԱԾ-ի տարածած հայտարարության մեջ։
Նոյեմբերի 6-ին ռուս զինվորների կողմից սպանվել է 58-ամյա Թամազ Գինտուրին։ Նրա մեջքին երկու փամփուշտ է եղել։ Նրա հետ գտնվող նույն գյուղի բնակիչ, 33-ամյա Լևան Դոթիաշվիլին չորս օր շարունակ առևանգված էր համարվում։
Նոյեմբերի 7-ին Ցխինվալիի հեռուստատեսությունը տեսանյութ է տարածել, որտեղ երևում է, թե ինչպես են Թամազ Գինտուրին և Լևան Դոթիաշվիլին բացում եկեղեցու փակված դուռը։
Կիրբալիի Լումիսի եկեղեցին գտնվում է օկուպացիոն գծից այն կողմ։ Օգոստոսին օկուպանտները թիթեղով փակել էին եկեղեցու դուռը, որպեսզի ուխտավորները չկարողանան ներս մտնել։
Սպանված Թամազ Գինտուրին 2008 թվականի ռուս-վրացական պատերազմի մասնակից էր, մայոր էր։ Այդ պատճառով տեղացիները կարծում են, որ ռուս զինվորները նրան դարանակալել են ու դիտմամբ սպանել։
Սպանվածի ընտանիքը պահանջում է Կիրբալիում ոստիկանական դիտակետ ստեղծել՝ նման ողբերգությունները կանխելու համար։
