Մարտի 7-ին և 8-ին Թբիլիսիում խորհրդարանի դիմաց ռուսական օրենքի դեմ տեղի ունեցած բողոքի ակցիայի ժամանակ վարչական կարգով ձերբակալված բոլոր անձինք ազատ են արձակվել։ Այս մասին տեղեկություն է տարածել ՆԳՆ-ն։ Ազատ արձակվածների թվում են «Գիրչի - ավելի շատ ազատություն» կուսակցության առաջնորդ Զուրաբ Ջափարիձեն և ուկրաինացի մարտիկ Նադիմ Խմալաձեն։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ձերբակալվածների մի մասը ներկայացվել է դատարանի առջև, իսկ մնացածը ազատ են արձակվել նախնական կալանքի մեկուսարանում գտնվելու ժամկետը լրանալու հիմքով։
Ներքին գործերի նախարարությունում մարտի 7-8-ին տեղի ունեցած բռնի իրադարձությունների առնչությամբ հետաքննությունը շարունակվում է Վրաստանի Քրեական օրենսգրքի 353-րդ և 187-րդ հոդվածներով։ Ձեռնարկվում են քննչական գործողություններ՝ խորհրդարանի շենքի հարակից տարածքում շարունակվող բողոքի ցույցի ժամանակ ոստիկանների վրա հարձակված անձանց և բռնի այլ գործողություններ կատարած անձանց պարզելու, հայտնաբերելու և ձերբակալելու ուղղությամբ»,- հայտնում է ՆԳՆ-ն։
Նախարարությունը չի նշում ազատ արձակվածների թիվը։ Այսօր առավոտյան հրապարակված հաղորդագրության համաձայն՝ մեկ անձ կալանավորվել է Քրեական օրենսգրքի 353-րդ հոդվածով՝ ոստիկանների վրա հարձակում գործելու մեղադրանքով, իսկ 133-ին նախարարության կողմից վարչական մեղադրանք է առաջադրվել՝ մանր խուլիգանության և ոստիկանության օրինական պահանջին չենթարկվելու համար։
Մարտի 7-8-ին խորհրդարանի մոտ ընդդեմ ռուսական օրենքի ընդունման բազմահազարանեց բողոքի ցույցեր է անցկացվել, որոնք ցրվել են ՆԳՆ-ի կողմից հատուկ ջոկատայինների միջոցով։ Կառավարությունը խաղաղ ցուցարարների դեմ զանգվածաբար արցունքաբեր գազ, ջրցան մեքենաներ և այլ միջոցներ է կիրառել։ Հատուկ նշանակության ջոկատի աշխատակիցները ֆիզիկական բռնություն են գործադրել հանրահավաքի մասնակիցների նկատմամբ։ Հանրահավաքի առաջին օրը ոստիկանությունը ձերբակալել է տասնյակ ցուցարարների։ Ձերբակալությունները շարունակվել են նաև հաջորդ օրը։
Մարտի 8-ի հանրահավաքի մասնակիցները երկու հիմնական պահանջ են բարձրացրել՝ ետ կանչել «օտարերկրյա գործակալների մասին» օրենքի նախագիծը և ազատ արձակել կալանավորներին։ Ներքին գործերի նախարարությունը ցրեց այս հանրահավաքը, որից հետո ցուցարարները դիմակայեցին հատուկ ջոկատայիններին և քարեր նետեցին նրանց մեքենաների վրա։ Խորհրդարանի հարակից փողոցներում վնասվել և այրվել են ոստիկանական մեքենաներ, ջարդվել են խորհրդարանի շենքի ապակիները։
Այսօր՝ մարտի 9-ին, «Վրացական երազանքը» հայտարարեց, որ ետ է կանչելու օրենքի նախագիծը, որին երկու օր առաջ առաջին ընթերցմամբ աջակցել է։ Ինչպես ասել է խմբակցության նախագահ Մամուկա Մդինարաձեն, օրինագիծը կներկայացվի խորհրդարանի հաջորդ նիստում, և «ոչ ոք չի կարող ետ կանգնել» այս քաղաքական որոշումից։ Հասարակական կազմակերպությունները պահանջում են, որ խորհրդարանն անհապաղ լիագումար նիստ անցկացնի, որտեղ կրկին քվեարկության կդրվի ռուսական օրենքը և պաշտոնապես կմերժվի։
