Ռուսական օրենքի դեմ Սահմանադրական դատարան ներկայացված հայցերը կմիավորվեն մեկ վարույթում և կքննարկվեն լիագումար ձևաչափով։ Դատարանի նախագահ Մերաբ Տուրավան այսօր ասել է, որ որոշումը կկայացվի «ողջամիտ ժամկետներում»։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Դուք ուզում եք, որ կոնկրետ ժամկետ ասեմ, բայց ես լիազորված չեմ, քանի որ չգիտեմ իմ գործընկերների դիրքորոշումը։ Որոշումը կկայացվի ողջամիտ ժամկետում։ Մենք ոչ միայն պետք է կարդանք օրենքը, այլև պետք է համեմատական իրավունքի ուսումնասիրություն կատարենք, իսկ դա կտևի առնվազն մեկ ամիս։ Սահմանադրական դատարանի պլենումը որոշում է ժամկետները։ Այս փուլում դատավորներն ուսումնասիրում են հայցերը»,- լրատվամիջոցներին ասել է Տուրավան։
«Պիրվելի» հեռուստաընկերության լրագրողի արձագանքին, թե Վրաստանի եվրոպացի և ամերիկացի գործընկերների գնահատմամբ՝ «սա ռուսական օրենք է, և մենք ուղղակիորեն գնալու ենք Ռուսաստան», Տուրավան ասել է․
«Կտեսնենք, կկարդանք... ո՞ր Ռուսաստանում։ Դեպի հյուսի՞ս։ Ես, որքան գիտեմ, ամեն դեպքում նման ուղղություն չեմ տվել իմ ու իմ երկրին։ Չեմ կարծում, որ մեր պետության նպատակը, գաղափարը դեպի հյուսիս շարժվելն է։ Տարիներ շարունակ կրթաթոշակ եմ ստացել, մրցանակ եմ ունեցել, տարբեր արտասահմանյան ֆինանսավորումներ եմ ունեցել»:
Այսօրվա դրությամբ ռուսական օրենքի դեմ երեք հայց է ներկայացվել Սահմանադրական դատարան։ Նախագահի, 121 լրատվամիջոցների ու հասարակական կազմակերպությունների հայցերից հետո այսօր Սահմանադրական դատարան են դիմել նաև խորհրդարանի 38 ընդդիմադիր պատգամավորներ։
Հայցվորները կարծում են, որ օրենքը հակասում է Սահմանադրության 78-րդ հոդվածին, որը բոլոր սահմանադրական մարմիններին պարտավորեցնում է ձեռնարկել բոլոր միջոցները իրենց լիազորությունների շրջանակում՝ ապահովելու Վրաստանի լիարժեք ինտեգրումը Եվրամիությանը և Հյուսիսատլանտյան դաշինքին (ՆԱՏՕ): Հայցվորները պահանջում են կիրառել ժամանակավոր միջոց և սեպտեմբերի 3-ից կասեցնել օրենքի կիրարկումը՝ մինչև գործով վերջնական որոշում կայացնելը։