“Səfirlərdən biri bildirib ki, çoxlu rusların Gürcüstan üzərindən Avropa İttifaqına daxil olacağından qorxurlar. Rusiya vətəndaşına Aİ-yə daxil olması üçün viza lazımdır, əgər Rusiya vətəndaşlarının Aİ-yə daxil olmasını istəmirlərsə, onlara viza verməsinlər”, - hakim “Gürcü Arzusu” partiyasının sədri İrakli Kobaxidze Rusiya vətəndaşlarına Gürcüstan üzərindən Avropa İttifaqına daxil olmaq imkanının verilməsi ilə bağlı tənqidlərə bu cür cavab verib.
Əsas xəbərlər
Kobaxidzenin sözlərinə görə, Rusiya ilə Gürcüstan arasında gündə cəmi 5 birbaşa uçuş həyata keçirilir.
“Sadə statistikanı götürsək, məsələn, Rusiya ilə Türkiyə arasında 100-ə yaxın, Azərbaycanla - 25-ə yaxın, Ermənistanla - 25-ə yaxın birbaşa reys. Cəmdə 150 reys var. Gürcüstana gəlincə, gündə 5 reys həyata keçirilir. İndi hansı miqyasdan danışdığımızı özünüz mühakimə edə bilərsiniz. Gürcüstana uçuşlar nə kimi risklərin əsasına necə çevrilə bilər? Bu boş spekulyasiya, boş yalandır. Səfir, yaxud hansısa siyasətçi, dövlətin qayğısına qalmalı olan başqa bir şəxs belə bir şeyə necə cürət edə bilər. Bu cür yalanlarla bəzi piar hərəkətləri planlaşdırmaq mümkün deyil”, - Kobaxidze mediaya bildirib.
Moskvanın Vnukovo Beynəlxalq Hava Limanının və Azimut aviaşirkətinin həmşəriki Vitali Vantsev dünən bəyan etdi ki, Rusiya vətəndaşlarının Avropaya uçması üçün Tbilisidə dördüncü tranzit qovşağı yaradılır. Vantsevin sözlərinə görə, onların Ukrayna tərəfindən sanksiyaya məruz qalan Gürcüstanlı tərəfdaşı “Georgian Airways” rusiyalı sərnişinlərə tranzit baxımından yaxşı təkliflər edir, xüsusən də Avropaya, o cümlədən Paris, Nitsa və Romaya uçuşlar açır.
Nəhayət, Rusiya vətəndaşları İstanbul, İrəvan və Bakıdan sonra Tbilisidə dördüncü yaxşı tranzit mərkəzinə sahib olacaqlar. Biz və “Georgian Airways” onu [habı] elə təşkil etməyə çalışırıq ki, sərnişinlərimiz üçün mümkün qədər rahat olsun, köçürülməyə bir saat yarım kimi uzun müddət lazım gəlməsin”, - Vantsev bildirib.
Ukraynada müharibəyə başlaması ilə əlaqədar Avropa İttifaqı Rusiya aviasiya sektoruna qarşı sanksiyalar tətbiq edib. Rusiya hava yolları və təyyarələrinin Aİ-nin hər hansı bir ölkəsinə uçması və ya ölkədən, həmçinin Aİ hava məkanı üzərindən uçuş həyata keçirməsi qadağandır.
Rusiya ilə birbaşa uçuşların bərpasından sonra Avropa İttifaqı Gürcüstan hakimiyyətini sanksiyalara qoşulmağa çağırıb.
Amerika Birləşmiş Ştatlarının Gürcüstandakı səfiri də bu məsələyə münasibət bildirib. “Gürcüstan Xəbərləri”nə müsahibəsində Kelli Deqnan bildirib ki, birbaşa uçuşlar Rusiya vətəndaşlarına Avropaya çıxış imkanı verir, çünki Avropa öz hava məkanını Rusiya vətəndaşları üçün bağlayıb.
“Birbaşa uçuşlar onlara Avropaya doğru açılan arxa qapıları açır. Yenə və yenə də, Rusiya vətəndaşlarının, onların hökumətinin müharibəyə başlamağı seçdiyinə görə təcrid olunduqlarını başa düşmələri vacibdir... ona görə də onlara Tbilisiyə birbaşa uçuşlara, sonra isə Fransaya və ya Almaniyaya səfər imkanı vermək Rusiya vətəndaşlarını hər şeyin normal olduğunu düşünməyə vadar edəcək. Bu normal deyil. Keçən 75 il ərzində bizim hamımızın yaratmaq üçün çox şey etdiyi sülhü və sabitliyi məhv edən onların hökumətidir”, - Kelli Deqnan bildirib.
Mayın 10-da Rusiya prezidenti Vladimir Putin Rusiya ilə Gürcüstan arasında birbaşa uçuşların qadağan edilməsi ilə bağlı 2019-cu il iyunun 21-də qəbul etdiyi qərarını ləğv edib. Bundan başqa, Gürcüstan vətəndaşları üçün 2000-ci ildən qüvvədə olan viza rejimi də ləğv edilib. İki ölkə arasında diplomatik əlaqələr 2008-ci ilin avqust müharibəsindən sonra kəsilib, lakin, Moskva növbəti addımın diplomatik münasibətlərin bərpası ola biləcəyini istisna etmir.
