აზერბაიჯანის პრეზიდენტმა, ილჰამ ალიევმა მილი მეჯლისი (პარლამენტი) დაითხოვა და 1-ელ სექტემბერს რიგგარეშე საპარლამენტო არჩევნები დანიშნა.
ახალი ამბები
მკითხველის რჩეული
- 1 მოსამართლემ გორში დაკავებული აქტივისტის საქმეზე ყველა საგამოძიებო მოქმედება უკანონოდ ცნო
- 2 რუსეთმა უკრაინაში მებრძოლ რუსუდან ივანეიშვილს პატიმრობა დაუსწრებლად მიუსაჯა
- 3 მასობრივად წაშალეს „მთის ამბების“ კრიტიკული მასალები ფეისბუკიდან
- 4 გვჭირდება კონკრეტული ნაბიჯები, რომლებიც შეაჩერებს საქართველოს ხელისუფლებას - ვანო ჩხიკვაძე
- 5 7 წლის წინ სიღნაღის პოლიციაში მოქალაქის ცემისთვის ყოფილ პოლიციელს ბრალი წარუდგინეს
- 6 აქტივისტ ზუკა ბერძენიშვილს თავს დაესხნენ პაპუაშვილის ფეისბუკპოსტიდან ერთ საათში
პარლამენტის დათხოვნის ინიციატივით ალიევს მმართველი პარტიის, „ახალი აზერბაიჯანის“ ხელმძღვანელობამ მიმართა. პარტიის საბჭოს თავმჯდომარის მოადგილის ტაირ ბუდაგოვის თქმით, საპარლამენტო არჩევნების თარიღის შეცვლა ნაკარნახევია იმით, რომ მიმდინარე წლის ნოემბერში, როდესაც არჩევნები უნდა ყოფილიყო, გაეროს კლიმატის ცვლილების ჩარჩო კონვენციის მხარეთა კონფერენცია და სხვა დიდი საერთაშორისო ღონისძიებებია დაგეგმილი.
„მიგვაჩნია, რომ ამ ფაქტორების გათვალისწინებით, მნიშვნელოვანია ამ პერიოდში პარლამენტის სრული ფუნქციონირების უზრუნველყოფა“, - დასძინა ბუდაგოვმა.
აზერბაიჯანის კონსტიტუციის თანახმად, პარლამენტის დათხოვნისა და საპარლამენტო არჩევნების დანიშვნის უფლება პრეზიდენტს აქვს. საკონსტიტუციო სასამართლოს პლენუმმა იმსჯელა და დაადგინა, რომ ილჰამ ალიევის გადაწყვეტილება კონსტიტუციასთან შესაბამისობაშია.
აზერბაიჯანის პარლამენტი ხუთი წლის ვადით არჩეული 125 დეპუტატისგან შედგება. მოქმედი პარლამენტი 2020 წლის 9 თებერვლის არჩევნების შედეგების საფუძველზეა ჩამოყალიბებული.
