ოკუპირებული აფხაზეთის დე ფაქტო რესპუბლიკაში რეგისტრირებული „აფხაზეთის მართლმადიდებელი ეკლესიის“ წინამძღოლმა, ბესარიონ აპლიამ განაცხადა, რომ აფხაზეთი და მისი ეკლესია, ქართული ეკლესიისგან დამოუკიდებელია, ყოველთვის იყო და იქნება.
ახალი ამბები
მკითხველის რჩეული
- 1 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 2 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 3 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 4 Meta ფაქტების გადამოწმების პროგრამას წყვეტს
- 5 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
- 6 საჯარო რეესტრის თანამშრომლები ამბობენ, რომ სამსახურიდან პოლიტიკური ნიშნით გაათავისუფლეს
მისი თქმით, ის, რომ „აფხაზეთის ეკლესია“ კანონიკურად შევიდა საქართველოს მართლმადიდებელი ეკლესიის შემადგენლობაში, მეტწილად მეოცე საუკუნის პოლიტიკური მოვლენების შედეგია.
„საბჭოთა დოქტრინამ ის როგორღაც შეიყვანა ქართულ ეკლესიაში. დღეს ვერ ვიტყვით, რომ აფხაზებს ეს სურთ. ეს არის აბსოლუტური სიგიჟე. მინდა, მართლმადიდებელმაც და არამართლმადიდებელმაც გაიგონ და შესაბამისი დასკვნა გამოიტანონ, რომ ეს დაუშვებელია. ამ ყველაფერს, რბილად რომ ვთქვათ, გამოსწორება სჭირდება“, - თქვა მღვდელმა „აპსნიპრესთან“ ინტერვიუში.
მისივე განცხადებით, დღეს „აფხაზეთის მართლმადიდებელი ეკლესია“ ფაქტობრივად რუსეთის მართლმადიდებელი ეკლესიის ფრთის ქვეშაა, საქართველოს მართლმადიდებელ ეკლესიასა და „აფხაზეთის ეკლესიას“ კი ერთმანეთთან კავშირი არ აქვთ.
„მადლობა ღმერთს, რომ უფალი დაგვეხმარა მათგან თავის დაღწევაში. დღეს ყველაზე მთავარია აფხაზეთის მართლმადიდებელი ეკლესიის აღდგენა და ჩვენ აღვადგენთ მას მოსკოვის საპატრიარქოსთან ერთად“, - თქვა სასულიერო პირმა.
საქართველოს მართლმადიდებელ ეკლესიაში მსგავს განცხადებებს საეკლესიო ისტორიის დამახინჯებად აფასებენ და ამბობენ, რომ „აფხაზეთი ისტორიულად საქართველოს ნაწილია როგორც პოლიტიკურად, ასევე ეკლესიურად“.
აფხაზეთი, რომელიც ცხუმ-აფხაზეთის ეპარქიის სახელითაა ცნობილი, საქართველოს მართლმადიდებელი ეკლესიის კანონიკური ტერიტორიაა, თუმცა 1992-1993 წლების კონფლიქტის შემდეგ, ამ ტერიტორიაზე საეკლესიო კონტროლს ვერ ახორციელებს. 2010 წელს, წმინდა სინოდის განჩინებით, ეპარქიის მმართველობა სრულიად საქართველოს კათოლიკოს-პატრიარქ ილია II-ს გადაეცა. აღსანიშნავია, რომ რუსეთის პატრიარქმა კირილმა საქართველოს კათოლიკოს-პატრიარქი რამდენჯერმე არ მოიხსენია ბიჭვინთისა და ცხუმ-აფხაზეთის მიტროპოლიტად.
„აფხაზეთის მართლმადიდებელი ეკლესიის“ გარდა, აფხაზეთში კიდევ ერთი არაღიარებული მართლმადიდებელი ეკლესია მოქმედებს. „აფხაზეთის წმინდა მიტროპოლიას“ წმიდა არქიმანდრიტი დოროფეი (დბარი) ხელმძღვანელობს.
