ავტოავარიაში დაიღუპა ელზა მებურიშვილი, რომელიც საპროტესტო აქციაზე დედასთან ერთად მიდიოდა. ამის შესახებ ინფორმაცია გაავრცელეს გარდაცვლილის შვილმა და სადაზღვევო კომპანია „ჯიპიაი ჰოლდინგმა“, სადაც ქალი იყო დასაქმებული.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
„დიდი მწუხარებით ვიუწყებით, რომ დღეს, გამთენიისას, ტრაგიკულად დაიღუპა ჩვენი კოლეგა. ახალგაზრდა ქალი საპროტესტო აქციაზე მიდიოდა, როდესაც ავტოავარიაში მოყვა. ავტომობილში იმყოფებოდა ჩვენი კოლეგის დედაც, რომელიც მრავლობითი მოტეხილობებით იმყოფება ამჟამად კლინიკაში და მის გადასარჩენად ექიმები იბრძვიან.
ჩვენთვის უდიდესი ტკივილია იმის გაცნობიერება, რომ მიმდინარე მოვლენები ადამიანისთვის ყველაზე ძვირფასს, სიცოცხლეს ემუქრება. ვუსამძიმრებთ და გვერდში ვუდგავართ ჩვენი კოლეგის შვილებს, ოჯახის წევრებსა და ახლობლებს“, - აცხადებს კომპანია.
„ჯიპიაის“ განცხადებაში თავდაპირველად ნათქვამი იყო, რომ ქალი აქციაზე შვილის დასახმარებლად მიდიოდა, რაც არ დადასტურდა. „დედაჩემი აქციაზე მოდიოდა მხოლოდ იმიტომ, რომ თავისი მოქალაქეობრივი ვალი მოეხადა და არა იმიტომ, რომ ვიღაც მცემდა“, - დაწერა სოციალურ ქსელFacebook-ში თამუნა კუბლაშვილმა.
მომხდარს გამოეხმაურა პრეზიდენტი სალომე ზურაბიშვილი. მისი თქმით, „ძალაუფლების აღება ნიშნავს პასუხისმგებლობის აღებასაც და ქვეყნის ტრაგედიამდე არ მიყვანას“.
თბილისში, რუსთაველის გამზირზე, მოქალაქეები 28 ნოემბრიდან იკრიბებიან და აპროტესტებენ „ქართული ოცნების“ გადაწყვეტილებას, რომლის მიხედვითაც საქართველო 2028 წლის ბოლომდე დღის წესრიგში არ დააყენებს ევროკავშირში გაწევრიანებაზე მოლაპარაკებების გახსნის საკითხს და უარს იტყვის ევროკავშირის საბიუჯეტო დაფინანსებაზე. პროტესტის მონაწილეები მიიჩნევენ, რომ ხელისუფლებამ შეაჩერა ევროინტეგრაცია და ხელახალი არჩევნების ჩატარებას ითხოვენ.
ცხრა დღის განმავლობაში შინაგან საქმეთა სამინისტრომ აქცია არაერთხელ დაარბია. საპოლიციო ძალებმა მშვიდობიანი დემონსტრანტების წინააღმდეგ წყლის ჭავლი, ცრემლსადენი გაზი და სხვა სპეციალური საშუალებები გამოიყენეს, დააკავეს 400-მდე ადამიანი. დაკავებულთა დიდი ნაწილი სასტიკად არის ნაცემი.
