გერმანიის ეკონომიკური თანამშრომლობისა და განვითარების ფედერალური სამინისტროს (BMZ) ხელმძღვანელი სვენია შულცე გამოეხმაურა საქართველოს მთავრობის გადაწყვეტილებას ევროკავშირთან გაწევრიანების მოლაპარაკებების შეჩერების შესახებ.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 4 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 5 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
- 6 პაპუაშვილის თქმით, მზია ამაღლობელის საქმეზე გამოტანილი განაჩენი „ელჩების სინდისზეა“
მისი თქმით, ამ გადაწყვეტილებით საქართველოს ხელისუფლება თავის მოქალაქეებს ევროპული მომავლის შანსზე დროებით მაინც უარს ეუბნება.
„ქართველების დიდი უმრავლესობა ევროკავშირში გაწევრიანების მომხრეა. თბილისსა და სხვა ქალაქებში ხალხი ყოველდღე გამოდის ქუჩებში, რადგან მათ სურთ ევროპული, კოსმოპოლიტური საქართველო. სხვათა შორის, ევროკავშირთან დაახლოება საქართველოს კონსტიტუციაშიც არის დაფიქსირებული“, - განაცხადა სვენია შულცემ.
მინისტრის განმარტებით, „ქართული ოცნების“ ხელისუფლების პირობებში, გერმანია საქართველოსთან ახალ პროექტებს არ განახორციელებს.
„ამ ხელისუფლების პირობებში, განვითარების თანამშრომლობა არსებითად ვეღარ განხორციელდება. საქართველოსთან ყველანაირი თანამშრომლობა გადახედვის რეჟიმშია. არც ახალი პროექტი განხორციელდება და არც სასესხო ხელშეკრულებები გაფორმდება“, - განაცხადა სვენია შულცემ.
მისივე თქმით, BMZ იტოვებს უფლებას, მიიღოს შემდგომი ზომები ევროპელ და საერთაშორისო პარტნიორებთან კოორდინაციაში.
„მას შემდეგ, რაც მიმდინარე წლის მაისში მიღებულ იქნა ე.წ. გამჭვირვალობის კანონი, საქართველოსთან განვითარების სფეროში ახალი თანამშრომლობის პროექტების დაპირება არ ყოფილა“, - თქვა მინისტრმა და აღნიშნა, რომ საქართველოსთან წინა თანამშრომლობა მიზნად ისახავდა ევროკავშირთან დაახლოებისა და საქართველოს ეკონომიკური განვითარების ხელშეწყობას.
28 ნოემბერს, საქართველოს არალეგიტიმურმა პრემიერ-მინისტრმა ირაკლი კობახიძემ განაცხადა, რომ საქართველო 2028 წლის ბოლომდე დღის წესრიგში არ დააყენებს გაწევრიანებაზე მოლაპარაკების გახსნის საკითხს და უარს იტყვის ევროკავშირის საბიუჯეტო გრანტებზე. გადაწყვეტილებას თბილისსა და რეგიონებში საპროტესტო აქციები მოჰყვა.
