26 ოქტომბრის საპარლამენტო არჩევნებისთვის ამომრჩეველთა საერთო რაოდენობა 3 508 294-ს შეადგენს. ამის შესახებ ინფორმაცია ცენტრალურმა საარჩევნო კომისიამ ამომრჩეველთა ერთიან სიაზე მუშაობის დასრულების შემდეგ გაავრცელა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
ცესკოს პრესსპიკერის, ნათია იოსელიანის თქმით, ელექტრონული ტექნოლოგიების გამოყენებით არჩევნებში მონაწილეობას 3 113 747 ამომრჩეველი მიიღებს. ამასთან, 135 922 ახალგაზრდას წელს პირველად მიეცემა არჩევნებში მონაწილეობის შესაძლებლობა.
გადასატანი ყუთის მოთხოვნით საარჩევნო ადმინისტრაციას 64 238 ამომრჩეველმა მიმართა. ამომრჩევლებს, საერთო ჯამში, 3111 საარჩევნო უბანი მოემსახურება. საქართველოში გახსნილია 3044 უბანი, მათ შორის 13 გამონაკლის შემთხვევაში შექმნილი უბანი, საიდანაც 12 პენიტენციურ დაწესებულებებში, ერთი კი ფსიქიკური ჯანმრთელობის ცენტრშია გახსნილი.
სხვა სახელმწიფოში შექმნილი საარჩევნო უბნების სპეციალურ სიებში ამომრჩეველთა რაოდენობა 95 910-ია. ცესკოს გადაწყვეტილებით, საზღვარგარეთ, 42 ქვეყნის 53 ქალაქში 67 საარჩევნო უბანი გაიხსნება.
საპარლამენტო არჩევნები 8 დღეში გაიმართება. ამომრჩევლები ოთხი წლის ვადით საქართველოს პარლამენტის 150 დეპუტატს პროპორციული საარჩევნო სისტემის საფუძველზე აირჩევენ. პარლამენტში მოსახვედრად, პოლიტიკურმა გაერთიანებამ 5%-იანი ბარიერი უნდა გადალახოს.
არჩევნებში მონაწილეობას იღებენ: „ევროპელი დემოკრატები“, „ქართული ოცნება“, „საქართველოს პატრიოტთა ალიანსი“, „გირჩი“, „გახარია საქართველოსთვის“, „მემარცხენე ალიანსი“, „კოალიცია ცვლილებისთვის გვარამია მელია გირჩი დროა“, „ერთიანობა - ნაციონალური მოძრაობა“, „შეცვალე საქართველო“, „ძლიერი საქართველო - ლელო, ხალხისთვის, თავისუფლებისთვის!“, „საქართველო“, „ჩვენი გაერთიანებული საქართველო“, „ქართველ ერთობა“, „ტრიბუნა“, „ჩვენ“, „საქართველოს ლეიბორისტული პარტია“, „თავისუფალი საქართველო“ და „საქართველოს ერთობისა და განვითარების პარტია“.
