საერთაშორისო რესპუბლიკური ინსტიტუტი (IRI) საზოგადოებრივი აზრის კვლევას აქვეყნებს, რომლის მიხედვითაც მმართველი პარტიის რეიტინგი შემცირებულია. მომავალ შაბათს რომ საპარლამენტო არჩევნები ტარდებოდეს, „ქართულ ოცნებას“ ხმას გამოკითხულთა მხოლოდ 19% მისცემდა. გასული წლის ნოემბერში ეს მაჩვენებელი 25% იყო.
ახალი ამბები
მკითხველის რჩეული
- 1 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 4 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
- 5 რა წერია უცხოური გრანტების წინააღმდეგ „ქართული ოცნების“ კანონპროექტში
- 6 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
უახლესი კვლევა აჩვენებს, რომ 20%-მა არ იცის, ვის მისცემდა ხმას, ხოლო 14%-ის არჩევანი ოპოზიციური პარტია „ერთიანი ნაციონალური მოძრაობაა“. 3-3% უჭერს მხარს ექსპრემიერ გიორგი გახარიას პარტიას „საქართველოსთვის“ და ზურაბ ჯაფარიძის პარტიას „გირჩი - მეტი თავისუფლება“.
2%-იანი მხარდაჭერა აქვთ პარტიებს - „ლეიბორისტები“, „ლელო“, „გირჩი“, „სტრატეგია აღმაშენებელი“, „ხალხისთვის“ და „მოქალაქეები“. 1-1% ხმას მისცემდა ისეთ პარტიებს, როგორებიცაა „კონსერვატიული მოძრაობა/ალტ ინფო“, „დროა“ და „ევროპული საქართველო“.
კვლევაში ცალკე არის გამოყოფილი მოძრაობა „ხალხის ძალა“, რომელიც „ქართული ოცნებიდან“ ფორმალურად წასულმა დეპუტატებმა დააფუძნეს. გამოკითხულთა 1%-ზე ნაკლები მათ უჭერს მხარს.
შეკითხვაზე, რომელ პარტიებს არ მისცემდით ხმას არავითარ შემთხვევაში, პასუხები ასე გადანაწილდა: „ერთიანი ნაციონალური მოძრაობა“ – 39%; „ქართული ოცნება“ – 34%; „კონსერვატიული მოძრაობა/ალტ ინფო“ – 16%; „გირჩი - მეტი თავისუფლება“ – 13%; „პატრიოტთა ალიანსი“ – 13%; „გირჩი“ – 13%; „ევროპული საქართველო“ – 13%; „ლეიბორისტული პარტია“ – 8%; „სტრატეგია აღმაშენებელი“ – 7%; „დროა“ – 7%; „ლელო“ – 6%; „ხალხის ძალა“ – 5%; „საქართველოსთვის“ – 4%; „მოქალაქეები“ – 3%; „ხალხისთვის“ - <1%.
გამოკითხულთა 42% მიიჩნევს, რომ მათ ინტერესებს არცერთი პოლიტიკური პარტია არ წარმოადგენს. ჯამში 54% ამბობს, რომ არსებობს ერთი პარტია მაინც, რომელიც მეტ-ნაკლებად ან სრულად წარმოადგენს მათ ინტერესებს. კვლევის მონაწილეთა 78%-ს პოლიტიკაში მეტი ახალგაზრდის ხილვა სურს.
შეკითხვაზე, ენდობით თუ არ ენდობით ქართულ პოლიტიკურ პარტიებს, გამოკითხულთა 46%-მა თქვა, რომ არც ენდობა და არც არ ენდობა, 39% არ ენდობა, 13% ენდობა, ხოლო 2%-მა არ იცის, ან უარს ამბობს პასუხზე.
კვლევა ჩატარდა 2023 წლის 4-23 მარტის პერიოდში IRI-ის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის, დოქტორ რასა ალიშაუსკინეს მიერ. კვლევის საველე სამუშაოები „IPM“-მა განახორციელა. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი +/- 2.5%-ია, გამოპასუხების მაჩვენებელი - 63%.
