2024 წლის 7, 8 და 10 მაისი უქმე დღეებად გამოცხადდა. მთავრობის შესაბამის დადგენილებას პრემიერ-მინისტრმა ირაკლი კობახიძემ ხელი უკვე მოაწერა. საჯარო სამსახურებში დასაქმებულებისთვის უქმე დღეები 3 მაისს დაიწყება და 13 მაისამდე, ორშაბათამდე გაგრძელდება.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
დოკუმენტის თანახმად, ადმინისტრაციული ორგანო უფლებამოსილია, საჭიროების მიხედვით, კომპეტენციის ფარგლებში თავად განსაზღვროს ის სამსახურები და მოსამსახურეები, რომლებზეც დადგენილებით განსაზღვრული უქმე დღეები არ გავრცელდება.
ამასთან, დადგენილება არ ვრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე, ასევე სახელმწიფო შესყიდვებთან დაკავშირებულ საქმიანობასა და სახელმწიფო შესყიდვებთან დაკავშირებული დავების განხილვის საბჭოს საქმიანობაზე.
საქართველოს შრომის კოდექსის მიხედვით, უქმეა სააღდგომო დღეები – დიდი პარასკევი, დიდი შაბათი და ორშაბათი, მიცვალებულთა მოხსენიების დღე. წელს ეს გარდამავალი თარიღები 3, 4 და 6 მაისს ემთხვევა. ასევე უქმეა 9 მაისი, ფაშიზმზე გამარჯვების დღე.
მას შემდეგ, რაც „ქართულმა ოცნებამ“ ხელახლა დააინიცირა ე.წ. „უცხოური აგენტების“ შესახებ რუსული კანონი, 15 აპრილიდან, თბილისში, ყოველდღე იმართება აქციები ლოზუნგით „კი ევროპას, არა რუსულ კანონს!“. განსაკუთრებით ხალხმრავალი იყო 28 აპრილის დემონსტრაცია, რომელშიც ათობით ათასი ადამიანი მონაწილეობდა.
