„რუსეთს ეშინია NATO-ს და ცდილობს მხოლოდ მათ გადაყლაპვას, ვინც უსაფრთხოების საერთო სივრცის მიღმაა და თუ მეზობელი ქვეყნის მთლიანად გადაყლაპვას ვერ მოახერხებს, ცდილობს მის ტერიტორიაზე გაყინული ომი დატოვოს“, - განაცხადა უკრაინის პრეზიდენტმა ვოლოდიმირ ზელენსკიმ მოლდოვაში, სადაც ევროპული პოლიტიკური გაერთიანების (EPC) მეორე სამიტი მიმდინარეობს.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 4 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 5 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
- 6 83 დეპუტატი, რომელმაც რუსულ კანონს მხარი დაუჭირა | სია
ზელენსკის თქმით, ევროპის კონტინენტზე გაყინული და ცხელი ომების ადგილი არ არის.
„ამას წინათ, ჩინელმა ჟურნალისტმა მკითხა, რატომ NATO და პასუხი ძალიან მარტივია: როცა უსაფრთხოების გარანტიები არ არსებობს, მხოლოდ ომის გარანტიებია... ამიტომ ყველა ევროპული ქვეყანა, რომელიც ესაზღვრება რუსეთს და რომელსაც არ უნდა, რომ რუსეთმა დაშალოს, უნდა იყოს ევროკავშირისა და NATO-ს სრულუფლებიანი წევრი. აქ მხოლოდ ორი ალტერნატივაა - ან ღია ომი ან მცოცავი რუსული ოკუპაცია. ჩვენ ვხედავთ, რა ხდება ბელარუსში. ჩვენ ვხედავთ, რა ხდება საქართველოში. ჩვენ ვხედავთ, როგორ ითრევენ ამ ერებს, თუმცა სხვადასხვა გზით, ერთსა და იმავე განუკითხაობის მდგომარეობაში.
მაგრამ რას ხედავენ ისინი? თუკი უკრაინელებსაც კი, რომლებიც სისხლით ადასტურებენ ერთგულებას თავისუფლებისა და ერთიანი ევროპული ღირებულებებისადმი, ჯერ კიდევ არ სმენიათ მკაფიო დადებითი პასუხი ევროკავშირსა და NATO-ში გაწევრიანების შესახებ, სხვების იმედები სრულიად მოჩვენებითი ხდება. იფიქრეთ ამ იმედგაცრუებაზე და იმედგაცრუებაზე როგორც ჩვენი ჯარისკაცების, რომლებიც იბრძვიან თავისუფლებისთვის, ასევე იმ ერების, ვისთვისაც უკრაინაში ჩვენი ბრძოლა იმედია“, - განაცხადა ზელენსკიმ.
უკრაინის პრეზიდენტის თქმით, მიმდინარე წელი გადაწყვეტილებების მიღების წელია და უკრაინა ელის, რომ ამ ზაფხულს, ვილნიუსში დაგეგმილ NATO-ს სამიტზე, უკრაინა მიიღებს მიწვევას გაწევრიანებაზე და გაწევრიანების გზაზე უსაფრთხოების გარანტიებს. ზელენსკიმ აღნიშნა, რომ დადებითი გადაწყვეტილებაა საჭირო ევროკავშირში უკრაინის გაწევრიანებასთან დაკავშირებითაც.
„პოზიტიური გადაწყვეტილებები უკრაინისთვის იქნება პოზიტიური გადაწყვეტილებები ყველასთვის. უსაფრთხოების საფუძველი. მოლდოვისთვის. ეს ძალიან მნიშვნელოვანია. გრძელვადიან პერსპექტივაში საქართველოსთვის და ეჭვი არ მეპარება, რომ დროთა განმავლობაში ბელარუსისთვისაც“, - განაცხადა ვოლოდიმირ ზელენსკიმ.
როგორც მან აღნიშნა, ყოველთვის, როდესაც ევროპისთვის გადაწყვეტილებების მიღება ხდება, ლიდერებს უნდა ახსოვდეთ, რომ ყოველი ეჭვი - იქნება ეს ეჭვი უსაფრთხოებისთვის სასიცოცხლო მნიშვნელობის ნაბიჯებთან დაკავშირებით, ან ეჭვი ევროპის ერთიანობაში, არის თხრილი, რომლის დაკავებას რუსეთი აუცილებლად შეეცდება.
სამიტს 47 ქვეყნის ლიდერი ესწრება, მათ შორის, საქართველოს პრემიერ-მინიტრი ირაკლი ღარიბაშვილიც.
