ხაბაროვსკში მდებარე მანქანათმშენებლობის ქარხანა „დალენერგომაში“ 30-წლიანი პაუზის შემდეგ საქართველოში ტექნიკური აღჭურვილობის ექსპორტს იწყებს. რუსული მედიის ინფორმაციით, 2023 წელს აზოტის აირის გენერატორები გაიგზავნება ქიმიურ ქარხანაში - „რუსთავის აზოტში“, რომელიც მინერალურ სასუქებს აწარმოებს.
ახალი ამბები
მკითხველის რჩეული
- 1 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 2 თსუ-ის ფაკულტეტმა არ ისურვა ჩემთან ურთიერთობის გაგრძელება - დიტო საძაგლიშვილი
- 3 კობახიძე შუქრუთელების პროტესტზე - ასეთი აქციები ხშირად ემთხვევა წინასაარჩევნო პერიოდს
- 4 ზურაბიშვილი: ივანიშვილმა ომი გამოუცხადა ჩვენს მეგობრებს, რომ მოსკოვის გვერდით დამდგარიყო
- 5 რუსეთი მზადაა საქართველოს „აფხაზეთისა და სამხრეთ ოსეთის ქვეყნებთან“ შერიგებაში დაეხმაროს
- 6 ამ მთავრობამ ან პირი იცვალა, ან თავიდანვე შენიღბულად პრორუსული იყო - ზურაბიშვილი
„იმის წყალობით, რომ საბჭოთა კავშირის დროს იქ [საქართველოში] აშენდა ქიმიური კომბინატი, რომელიც მინერალურ სასუქებს აწარმოებს, კავშირები დარჩა, ჩვენ ისინი განვაახლეთ და ვმუშაობთ“, - განაცხადა ალექსანდრ მიკუშოვმა, „დალენერგომაშის“ ექსპორტის განყოფილების მენეჯერმა ხაბაროვსკის ტელეარხთან.
ტელეკომპანიის ინფორმაციით, კომპანიას რუსეთისთვის სანქციების დაწესების შემდეგ საბანკო გადარიცხვებში პრობლემები შეექმნა, თუმცა ადაპტირება მოახერხა და ახლა ყველა ხელშეკრულებას რუბლებში აფორმებს. გარდა ამისა, სპეციალისტებს ახალი ლოჯისტიკური ჯაჭვის განვითარება დასჭირდათ.
„როდესაც საქმე ეხება მსხვილ პროდუქციას, როგორიცაა, მაგალითად, აზოტის აირის გენერატორი ქიმიური კომბინატისთვის, დანიშნულების ადგილზე - ყაზახეთში, საქართველოში თუ უზბეკეთში მიწოდება მანქანებით ხდება, ხოლო ინდოეთში, ძირითადად, კონტეინერით, ზღვით ვგზავნით“, - განაცხადა მიკუშოვმა. როგორც ის ამბობს, ქართულ საწარმოსთან წელს „მსხვილი კონტრაქტი“ გააფორმეს.
„დალენერგომაშის“ მთავარი ინჟინერი ვიაჩესლავ კონდრატიუკი აღნიშნავს, რომ მეტალურგიულ ქარხნებში, რომლებიც საბჭოთა პერიოდში ხარკოვის (უკრაინა) „გიპროკოკსის“ პროექტით აშენდა, გენერატორების ჩანაცვლება ძალიან რთულია - „ამიტომ ამ დრომდე ჩვენი გენერატორები გამოიყენება, ხდება ნაწილების მიწოდება. მანქანები 50 წლის განმავლობაში მუშაობენ“.
„დალენერგომაში“ მეტალურგიული კომპლექსისა და ქიმიური მრეწველობის ქარხნებისთვის კომპრესორების, წნევის და ელექტრო მოწყობილობების წარმოებაშია სპეციალიზირებული. საწარმო აღჭურვილობას ათობით ქვეყანას აწვდის, მათ შორის, ბელარუსს, ბულგარეთს, ინდოეთსა და ირანს.