ავღანეთის თალიბანის წარმომადგენლები დაესწრებიან გაერთიანებული ერების ორგანიზაციის (გაერო) კლიმატის კონფერენციას, COP29-ს, რომელიც აზერბაიჯანის დედაქალაქ ბაქოში დღეს იხსნება და 22 ნოემბრის ჩათვლით გაგრძელდება. ავღანეთი პირველად იღებს მონაწილეობას მსგავს ღონისძიებაში მას შემდეგ, რაც 2021 წელს ძალაუფლება ხელში თალიბანმა ჩაიგდო.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
როგორ სააგენტო Reuters-ი წერს, აღნიშნული კონფერენცია ერთ-ერთი ყველაზე მაღალი დონის მრავალმხრივი ღონისძიება იქნება, რომელსაც თალიბანის ადმინისტრაციის წარმომადგენლები ნატოს მიერ მხარდაჭერილ ძალებთან 20-წლიანი ბრძოლის შედეგად ქაბულზე კონტროლის დამყარების შემდეგ დაესწრებიან.
თალიბანს ავღანეთის ლეგიტუმურ მთავრობად გაეროს წევრი არც ერთი სახელმწიფო არ აღიარებს, ხოლო ამერიკის შეერთებულ შტატებს „გლობალურ ტერორისტულ ორგანიზაციად“ ჰყავს გამოცხაებული.
Reuters-ის ცნობით, კლიმატის ცვლილების კონფერენციაზე ავღანეთის გარემოს დაცვის ეროვნული სააგენტოს წარმომადგენლები COP29-ის მასპინძელი ქვეყნის - აზერბაიჯანის მიწვევით ჩავიდნენ. ეს მათ საშუალებას აძლევს „პოტენციურად მიიღონ მონაწილეობა პერიფერიულ დისკუსიებში და გამართონ ორმხრივი შეხვედრები“. ვინაიდან თალიბანი ავღანეთის ლეგიტიმურ მთავრობად ოფიციალურად არ არის აღიარებული გაეროს სისტემაში, Reuters-ის წყაროს თქმით, მის წარმომადგენლებს არ აქვთ უფლებამოსილება, მონაწილეობა მიიღონ სრულუფლებიანი წევრი სახელმწიფოების მუშაობაში.
Reuters-ი წერს, რომ ავღანეთი ერთ-ერთია იმ ქვეყნებიდან, რომელიც კლიმატის ცვლილებით ყველაზე მეტად დაზარალდა. წელს წყალდიდობამ ასობით ადამიანი იმსხვერპლა, ხოლო სოფლის მეურნეობაზე დამოკიდებულმა ქვეყანამ ათწლეულების განმავლობაში ერთ-ერთი ყველაზე ძლიერი გვალვა განიცადა.ზოგიერთი აქტივისტი აკრიტიკებს თალიბანის საერთაშორისო იზოლაციას და ამბობს, რომ ეს მხოლოდ ავღანელ ხალხს აზარალებს.
„როცა სახეზეა ყურადღების და საერთაშორისო საზოგადოებასთან კავშირის ნაკლებობა, იზრდება ჰუმანიტარული საჭიროებები“, - უთხრა Reuters-ს კონფლიქტით დაზარალებული ქვეყნების სამთავრობათაშორისო ორგანიზაციის, g7+-ის გენერალური მდივნის მოადგილემ, ჰაბიბ მაიარმა.
გამოცემა Politico-ს ცნობით, კონფერენციაში მონაწილეობას მიიღებენ თურქეთის პრეზიდენტი რეჯეფ თაიფ ერდოღანი იტალიის პრემიერ-მინისტრი ჯორჯია მელონი, ბრიტანეთის პრემიერ მინისტრი კირ სტარმერი, უკრაინის პრეზიდენტი ვოლოდიმირ ზელენსკი, საუდის არაბეთის მემკვიდრე პრინცი მუჰამედ ბინ სალმანი, აშშ-ის პრეზიდენტის უფროსი მრჩეველი საერთაშორისო კლიმატის პოლიტიკის საკითხებში ჯონ პოდესტა, რუსეთის პრემიერ-მინისტრი მიხაილ მიშუსტინი, პოლონეთის პრეზიდენტი ანჯეი დუდა, უნგრეთის პრემიერ-მინისტრი ვიქტორ ორბანი, სერბეთის პრეზიდენტი ალექსანდრ ვუჩიჩი, ევროპული საბჭოს პრეზიდენტი შარლ მიშელი, დანიის პრემიერ-მინისტრი მეტე ფრედერიქსენი და სხვები. ბაქოში ჩავა საქართველოს პრემიერ-მინისტრი ირაკლი კობახიძეც, რომელიც, მთავრობის ადმინისტრაციის ცნობით, COP29-ის ლიდერთა სამიტზე და პანელურ დისკუსიებზე გამოვა სიტყვით.
მათ შორის, ვინც გაეროს კლიმატის კონფერენციას არ დაესწრებიან, არიან აშშ-ის პრეზიდენტი ჯო ბაიდენი, ევროკომისიის პრეზიდენტი ურსულა ფონ დერ ლაიენი, საფრანგეთის პრეზიდენტი ემანუელ მაკრონი და გერმანიის კანცლერი ოლაფ შოლცი.
