„ძალიან მაგარია, აი, ძალიან მაგარი! ამაზე მაგარი ბევრი რამ არ შეიძლება იყოს“, - „ქართული ოცნების“ აღმასრულებელმა მდივანმა, მამუკა მდინარაძემ ასე შეაფასა ვენესუელის პრეზიდენტის ნიკოლას მადუროს განცხადება საქართველოში ჩატარებულ არჩევნებთან დაკავშირებით.
ახალი ამბები
მკითხველის რჩეული
- 1 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 2 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 3 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 4 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
- 5 რა წერია უცხოური გრანტების წინააღმდეგ „ქართული ოცნების“ კანონპროექტში
- 6 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
მადურო, რომელმაც რამდენიმე თვის წინ სადავო არჩევნების შედეგად მესამედ დაიკავა ვენესუელის პრეზიდენტის თანამდებობა, რუსეთის მოკავშირეა და საქართველოს ოკუპირებულ ტერიტორიებს - აფხაზეთსა და ცხინვალის რეგიონს, „დამოუკიდებელ ქვეყნებად“ აღიარებს. მისი შეფასებით, „ქართულმა ოცნებამ“ საპარლამენტო არჩევნებში „სამაგალითო, ბრწყინვალე“ გამარჯვება მოიპოვა.
„ეს არის ძალიან კარგი. რატომ, იცით? თუ მან, ადამიანმა, რომელმაც „სამხრეთ ოსეთი“ და აფხაზეთი აღიარა - ცოტა მაინც დაინახა რეალობა, რომ აქ არაფერი არ მომხდარა, იმ რეალობასაც დაინახავს, რომ აფხაზეთი და სამაჩაბლო, ცხინვალის რეგიონი საქართველოს განუყოფელი ნაწილია.
ეს წინ გადადგმული ნაბიჯი ყოფილა და ძალიან მაგარია. არაღიარების პოლიტიკის ერთ-ერთი პირველი წარმატებაა, ჩემი აზრით. თუ მადურომ ის დაინახა, რომ ამ ქვეყანაში არჩევნები ლეგიტიმურად ჩატარდა და პრობლემები არ აქვს ამ ქვეყანასთან, ხვალ დიდი შანსია, რომ აღიარება უკან წაიღოს“, - განაცხადა მდინარაძემ პრესკონფერენციაზე.
მადუროს გარდა, „ქართულ ოცნებას“ საპარლამენტო არჩევნებში გამარჯვება უნგრეთმა, აზერბაიჯანმა, სომხეთმა, თურქეთმა და ჩინეთმა მიულოცეს.
ნიკოლას მადურო ვენესუელის პრეზიდენტია 2013 წლიდან. ის ხელახლა არჩეულად 28 ივლისს ჩატარებული არჩევნების შედეგად გამოცხადდა ისე, რომ ვენესუელის მთავრობას მისი გამარჯვების დასადასტურებლად კენჭისყრის დეტალური შედეგები არ გამოუქვეყნებია. ოპოზიცია ამტკიცებს, რომ არჩევნებში ედმუნდო გონსალესმა გაიმარჯვა, რომელსაც დამოუკიდებელი ეგზიტპოლების მიხედვით, დაახლოებით, 65%-იანი მხარდაჭერა ჰქონდა. მადუროს წინააღმდეგ კარაკასის ქუჩებში ათასობით ადამიანი შეიკრიბა. საპროტესტო გამოსვლების დარბევის დროს, სულ მცირე, 2000 ადამიანი დააკავეს, გონსალესი კი ესპანეთში გაიქცა. მადურომ პროტესტს გადატრიალების მცდელობა უწოდა, რომელიც მისივე თქმით, „ფაშისტური და კონტრრევოლუციური ძალების“ მიერ უცხოეთის წაქეზებით განხორციელდა. არჩევნების შედეგები არ უღიარებია არც ამერიკის შეერთებულ შტატებსა და არც ლათინური ამერიკის ქვეყნების უმრავლესობას, ასევე, ევროკავშირს.
