Թբիլիսիի քաղաքային դատարանը օրինախախտ է ճանաչել լրագրող, «Մթիս Ամբեբիի» և «Վրաստանի լուրերի» խմբագիր Գելա Մթիվլիշվիլիին, ով ձերբակալվել էր Կեկելիձեի փողոցում տեղի ունեցած վտարման դեմ ցույցի լուսաբանման ժամանակ։ Դատավոր Նինո Շչերբակովը լրագրողին տուգանել է 2000 լարիով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
Գործով դատաքննությունը կայացել է հունվարի 25-ին, իսկ դատավորը որոշումը հրապարակել է այսօր՝ հունվարի 31-ին։
«ՆԳ նախարարության դատավարությանը, բացի բռնություն գործադրող ոստիկանի սուտ ցուցմունքից, չներկայացվեց որևէ ապացույց, որը կփաստեր, որ ես հանցագործություն եմ կատարել։ Ընդհակառակը, մենք ներկայացրել ենք տեսագրություն, որն ապացուցում է, որ իմ մասնագիտական գործունեությունը կատարելիս ինձ բերման են ենթարկել ամբողջովին ապօրինի։ Դատավորը ինչ որոշում էլ կայացնի, մենք առանձին-առանձին բողոքարկելու ենք կալանքի (արձանագրության) օրինականությունը։ Մոտ օրերս կդիմեմ դատախազություն՝ ոստիկանների տված սուտ ցուցմունքների պատճառով հետաքննություն սկսելու պահանջով (մեկը դատարանում ասաց, որ փորձել եմ ձերբակալվածին խլել իրենցից, հայհոյել եմ մոր հասցեին, արձանագրությունը ստորագրում է նաև երկրորդ ոստիկանը): Եթե դատարանն ինձ չարդարացնի, մենք որոշումը կբողոքարկենք վերաքննիչ դատարանում, որից հետո կդիմենք Ստրասբուրգին»,- ասել է Մթիվլիշվիլին՝ նախքան որոշումը հրապարակելը։
ՆԳՆ աշխատակիցները հունվարի 23-ին ձերբակալել են Գելա Մթիվլիշվիլիին` պատճառաբանելով, որ Թբիլիսիի Կեկելիձեի փողոցի թիվ 1 հասցեում Խատիաշվիլիների ընտանիքի վտարումը լուսաբանելու ժամանակ նա չի ենթարկվել ոստիկանության օրինական պահանջին։ Մոտ 6 ժամ անց ձերբակալված լրագրողը ստորագրությամբ ազատ է արձակվել։ Նա պնդել է, որ հանցագործություն չի կատարել և ապօրինի է ձերբակալվել՝ իր մասնագիտական գործունեությունը խոչընդոտելու նպատակով։ Գելա Մթիվլիշվիլիի խոսքով՝ ձերբակալությունից հետո ոստիկանները ֆիզիկական բռնության են ենթարկել իրեն։
Կեկելիձեի փողոցում ձերբակալվել է ընդհանուր առմամբ 20 անձ, որոնցից 18-ին վարչական մեղադրանք է առաջադրվել մանր խուլիգանության և ոստիկանության օրինական պահանջներին չենթարկվելու համար, իսկ երկուսը՝ Գիորգի Խասաիան և Ակակի Չիքոբավան, մեղադրվում են քրեական հանցագործություն կատարելու մեջ, մասնավորապես՝ նրանք մեղադրվում են դիտավորությամբ Հարկադիր կատարման ազգային բյուրոյին պատկանող ավտոմեքենան խմբով վնասելու մեջ, որը պատժվում է ազատազրկմամբ՝ 3-ից 6 տարի ժամկետով։ Դատարանը ձերբակալվածներից մի քանիսին ճանաչել է օրինախախտ և նշանակել տուգանք 2000-2000 լարիի չափով։ Դատական վարույթները դեռ չեն ավարտվել։
Հատկանշական է, որ դատավոր Նինո Շչերբակովն է դատել 2023 թվականի մարտին այսպես կոչված գործակալների մասին «ռուսական օրենքի» դեմ անցկացվող հանրահավաքի ընթացքում ոստիկանության օրինական պահանջին չենթարկվելու հիմքով ապօրինի ձերբակալված լրագրողներ Զուրաբ Վարդիաշվիլիին և Բեքա Ջիքուրաշվիլիին։ Այս դեպքում էլ երկուսն էլ ճանաչվել են վարչական կարգով իրավախախտներ և տուգանվել 2200 լարիով։ 2023 թվականի սեպտեմբերին նույն դատավորը օրինախախտ է ճանաչել խորհրդարանի դիմաց ձերբակալված հինգ ակտիվիստներին՝ Էդուարդ Մարիկաշվիլիին, ով իր ձեռքում էր բռնել մաքուր թուղթ, իսկ Սաբա Բրաճվելին, Նիկա Ռոմանաձեն, Գրիգոլ Փրանգիշվիլին և Նոդար Սիխարուլիձեն՝ «Իրակղլի» մակագրությամբ պաստառներ։ Նոդար Սիխարուլիձեն ոստիկանի պահանջին չենթարկվելու և մանր խուլիգանության համար տուգանվել է 2000 լարիով, իսկ մյուսները՝ մանր խուլիգանության համար 500 լարիով։
